影片
更多
2014-02-03
1057 浏览
以前成日去Suzuki 的确充满童年(?)回忆 不过佢地最近一间间执笠想食下都难. 今日4点几同老公两个拍拖周围乱度反而俾我撞到一间 二话不说即刻拉老公上去怀愐吓.大门见到有tea set供应 谂住少少地食返个甜品tea. 入到去环境唔错, 大落地窗够光 家俱摆设简约舒服 而且够干净, 侍应笑容足而且反应相当俐落 overall感觉唔错. 一望tea set餐牌, 咦 点解得2个甜品？上面十几个选择都系迷你饭 热狗薯条 同乌东, 全部都唔啱我地口味. 最后发现佢地个主餐牌都系冇乜甜品, 眀显唔系主打, 所以决定点D沙拉意粉开心share.一落好单 唔洗2分钟沙拉就上来喇. 有3大片烟三文鱼 火箭菜 芒果 红萝卜 牛油生菜, 色彩缤纷, 连对西餐特别嘴挑既法兰西老公都好满意赞一句 c'est jolie! (好靓噃!) 味道非常唔错 食得出材料够新鲜.食唔够2啖沙拉 连意粉都ready喇. Suzuki既光速上餐真系令我意外. 一开始黑松露香味略略有点儿呛 不过一入口又非常美味 汁又多又香 重有温泉蛋同好多火腿. 我同老公好快就KO左佢. 一般我地都好怕食唔正宗既地方菜或者所谓fusi
以前成日去Suzuki 的确充满童年(?)回忆 不过佢地最近一间间执笠想食下都难. 今日4点几同老公两个拍拖周围乱度反而俾我撞到一间 二话不说即刻拉老公上去怀愐吓.
大门见到有tea set供应 谂住少少地食返个甜品tea. 入到去环境唔错, 大落地窗够光 家俱摆设简约舒服 而且够干净, 侍应笑容足而且反应相当俐落 overall感觉唔错.
一望tea set餐牌, 咦 点解得2个甜品？上面十几个选择都系迷你饭 热狗薯条 同乌东, 全部都唔啱我地口味. 最后发现佢地个主餐牌都系冇乜甜品, 眀显唔系主打, 所以决定点D沙拉意粉开心share.
一落好单 唔洗2分钟沙拉就上来喇. 有3大片烟三文鱼 火箭菜 芒果 红萝卜 牛油生菜, 色彩缤纷, 连对西餐特别嘴挑既法兰西老公都好满意赞一句 c'est jolie! (好靓噃!) 味道非常唔错 食得出材料够新鲜.
食唔够2啖沙拉 连意粉都ready喇. Suzuki既光速上餐真系令我意外. 一开始黑松露香味略略有点儿呛 不过一入口又非常美味 汁又多又香 重有温泉蛋同好多火腿. 我同老公好快就KO左佢.
一般我地都好怕食唔正宗既地方菜或者所谓fusion, 唯独日式既西餐我真心觉得 "正!"
张贴
