活一鮮 (已結業)

本来今日约左个朋友两点钟，可惜我打比佢嘅时候...佢仲系张床到🤬🤬，之后就改左四点钟先见啦。由于仲有大把时间，所以揾呢间餐厅坐下、食下嘢等佢算啦！食日本野最好不过啦，又可以唔食得太饱。叫左个芒果三文鱼天妇罗卷、松叶蟹肉沙律、紫心香竽丸加埋烧青芥末生蚝。烧青芥末生蚝有两只，用左芥末去烧..本身食开芥末都系用黎沾系寿司到，估唔到仲可以烧左佢。放系生蚝上面，冇抢左本身生蚝嘅鲜味😧，仲令到生蚝本身有啲海水味带走，唔错！松叶蟹肉沙律无咩特别😂😂，沙律入面加左蟹肉增加口感，沙律酱都好香。紫心香竽丸炸成金黄色波波，一咬落去就食到香竽，不过食个时要小心，因为系即刻炸嘅关系，里面会好热辣亲个嘴架🙏🏻🙏🏻。最后就系芒果三文鱼天妇罗卷，相信系必食嘅嘢黎，因为经过左几枱客嘅时候，佢地都有叫呢款天妇罗，所以好奇就叫左黎试啦🤣🤣。估唔到嘅系芒果可以拎去炸成天妇罗之余，加埋三文鱼系咁夹，本身三文鱼🐟已经好鲜甜架啦，加埋芒果🥭又系另一种甜，但又甜而不腻，相信能够成为大热食品。机缘巧合之下，黎到左呢间日本菜餐厅，我谂都系一个缘份，令到我可以食到品质唔错嘅食物，价钱又亲民👍🏻👍🏻