影片
更多
2021-01-25
5719 浏览
疫情关系，无得出外旅游，为减低感染风险，除与人保持社交距离，仲有就喺减少社交接触，而大棚朋友嘅活动就自疫情都无搞过，至少都喺三几个相熟友人约埋行吓山。结婚周年，以往都只喺食吓饭，但今年就叫大搞少少，安排咗人生第一个Staycation，伪旅行一下当庆祝。因为都真喺想有啲旅行嘅感觉，所以，专登拣咗远离市区又有渡假环境嘅「黄金海岸酒店」，其中悠然下午茶住宿计划（Tea-cation）最啱我心水，包双人豪华海景房、入住当日嘅主题下午茶、翌日嘅双人自助早餐，已包税金，全费$980，感觉真喺好抵。行程亦都度好晒，第一日，先食个丰富嘅早餐，再去行「河背水塘家乐径」，晌港版岚山竹林、小瀑布影吓相，下午到酒店享用精致嘅下午茶，傍晚再看看日落美景（可惜喺沙滩封晒）；翌日，一早落去食完自助早餐后，轻装上千岛湖，之后再返回酒店办退房，然后食埋个午餐才施施然归家。对上一次到访「聆沨咖啡厅」已经喺2013年嘅事喇，对其环境、食物都有好好嘅印象，时隔8年再临，感觉一样都好唔错，地方唔会觉得好残残旧旧，室内地方企理整洁，喺疫情关系，餐枱数量嘅编排少咗，间隔嘅距离大咗，一侧嘅落地大玻璃对出就喺开扬嘅园林景，加上阳光斜
对上一次到访「聆沨咖啡厅」已经喺2013年嘅事喇，对其环境、食物都有好好嘅印象，时隔8年再临，感觉一样都好唔错，地方唔会觉得好残残旧旧，室内地方企理整洁，喺疫情关系，餐枱数量嘅编排少咗，间隔嘅距离大咗，一侧嘅落地大玻璃对出就喺开扬嘅园林景，加上阳光斜照，予人感觉舒服。亦因为疫情加强咗管理，所以，室外绝大部份嘅用餐区都停用，而且，餐厅对二人限聚令都执得好紧，唔会「求其」加块胶板就俾3、4个客人坐埋一齐，对一啲亲子家庭要分开坐感到无奈啲，只希望疫情尽快完，大家可安心出行。
餐厅主要喺供应早午晚自助餐嘅，而今次个主题下午茶本应安排晌酒店嘅「海岸扒房」餐厅享用，但依家平日所有餐饮都安排晒晌酒店嘅「聆沨咖啡厅」，其他餐厅都只晌星期六、日先营业。讲番个下午茶，平日同星期六、日嘅主题有啲唔同，单价亦有分别，但同样有好多嘢食，呢个餐单喺晌官网下载出嚟俾大家参考，好似我哋所食嘅「绿茶派对」下午茶就有成5款咸点、7款甜点，非常丰富，真喺「绿绿」无穷，包埋餐饮，散点要$428 + 10%（两位用），差唔多等同个住宿计划嘅一半价值喇。故此，当我哋嚟到餐厅，见唔少客人都喺买咗呢个住宿计划，嚟到叹下午茶。
晌官网无相片介绍，但睇餐牌，第一个印象会喺英式下午茶一类嘅三层架，又或类似嘅层架，但当经理捧住整「盘」下午菜过嚟时，又真喺有份惊喜。因为主题喺绿茶，咸点、甜点当中亦有唔少喺和风食物，所以，整份下午茶用番和风造型就好贴切，再者，不论咸点、甜点，都小巧的骰，卖相精致，放到琳瑯满目，更让人万分期待。
「绿茶派对」下午茶
$428
206 浏览
0 赞好
0 留言
照烧鸡肉菠菜汉堡包配香草酱迷你汉堡已成为英式下午茶嘅常客款式食物，不过，呢款话汉堡，但似潜艇多啲，夹有一大件香滑嘅照烧鸡肉，味道唔错，而且，个潜艇包包身好松软，但表面唔喺好睇得出加入咗菠菜元素，咬入去就会见个包心喺绿绿哋；当然，唧咗啲香草酱，味道立时层次丰富咗好多。
绿茶蟹肉腌青瓜挞绿茶嘅元素就唔觉好强，但蟹肉既多又鲜，就真喺好好食，好鲜味；而挞壳有啲似脆粟米片咁，松脆不腻，搭埋啲腌青瓜，喺一件几唔错嘅咸点！
吞拿鱼他他配香脆紫苏叶及芥末脆米食西餐，一讲吞拿鱼就第一时间谂起罐头货𠮶啲吞拿鱼，但一入口就知喺做剌身𠮶啲吞拿鱼，细刴成他他，鱼鲜味特别浓；再垫上以紫苏叶做成嘅天妇罗，加入咗少少芥末入去，整件事都唔同晒，真喺较有惊喜。
吞拿鱼他他配香脆紫苏叶及芥末脆米
73 浏览
0 赞好
0 留言
绿茶荞麦面配天妇罗虾及水煮鹌鹑蛋相信喺因应绿茶嘅主题，所以，先加入咗荞麦面。啲面条沾上酱汁，入口清爽，面条带绿茶味，鹌鹑蛋细细只太易煮熟，就难有流心嘅效果，不过，件天妇罗虾就几得，粉浆薄脆，又唔油腻，虾肉鲜爽弹牙。
绿茶荞麦面配天妇罗虾及水煮鹌鹑蛋
111 浏览
0 赞好
0 留言
烧紫菜饭团配虾籽最后一款咸点喺饭团，咪睇佢平平无奇「一嚿饭」，里面却喺塞满唔少虾籽，当然唔喺我哋食虾籽面𠮶啲虾籽啦，类似食寿司蟹籽𠮶啲，入口卜卜爽，而饭粒黏糯饱满，搓得挺实唔松散，比预期好呀！
北海道绿茶奶冻配红豆绿茶配红豆喺走唔甩嘅组合，先嚟个北海道绿茶奶冻，以小牛奶樽仔装住，加粒小朱古力花做点缀，卖相精巧。入口啲奶冻劲柔滑，绿茶味浓郁，而且，仲渗出浓浓奶香，至于啲红豆，又绵，又清甜，真喺无得输。
北海道绿茶奶冻配红豆
35 浏览
0 赞好
0 留言
京都绿茶白朱古力芦荟啫喱海绵蛋糕小雀笼内有另外3款甜点，先分享呢一款海绵蛋糕，喺最滋补嘅款式，因为加咗芦荟做成面层嘅啫喱，而中间有一层厚厚嘅绿茶白朱古力慕丝，整体感觉唔错。
焗绿茶芝士饼以美式芝士饼作为主轴，加入绿茶元素，再以忌廉唧花，加件小脆饼做装饰，卖相就好讨好。消化饼底做得够薄又平均，绿茶芝士有强烈嘅绿茶香，又嗒到咸咸嘅芝士味，两者所产生嘅冲击感好强，正呀！
焗绿茶芝士饼
70 浏览
0 赞好
0 留言
个金宝挞由于加咗绿茶，所以，唔似得以往咁个样焗出嚟咁金黄，不过，咪睇佢其貌不扬，实在好有内涵。挞内填满苹果肉，仲加有玉桂，而金宝又焗得好香脆，感觉又唔会太腻，再者，挞壳十分脆口，又的骰，又好食！
迷你苹果绿茶金宝挞
21 浏览
0 赞好
0 留言
静冈绿茶松饼配杂莓酱及红豆食英式下午茶，又点可以无英式松饼吖，但呢个喺绿茶松饼，仲刻意加入静冈之名，当然要慢慢嗒真啲佢份绿茶味。不过，最令我印象深刻反而喺啲配料，啲红豆食个奶冻时已讲过，又绵又甜；而杂莓酱就坚正，唔喺啲现成货，一食就知喺自家新鲜制，𠮶份杂莓味清香自然，就算厚厚咁涂晌松饼之上，唔会有死甜嘅感觉，而喺一份鲜活感。
静冈绿茶松饼配杂莓酱及红豆
25 浏览
0 赞好
0 留言
绿茶林明顿嚟自澳洲嘅林明顿其实可以讲无咩特别，但平凡得喛又有其特色。立方形嘅海绵蛋糕沾满绿茶味朱古力，再洒满椰丝，唧咗少少忌廉花令卖相几靓仔。入口好软绵，绿茶味朱古力好香浓，伴住咖啡都好唔错。
绿茶林明顿
36 浏览
0 赞好
0 留言
日式三色小丸子串配甜酱油日式三色小丸子唔喺人人都钟意食，仲记得第一次喺十多年前去京都岚山旅行，因为喺冬天，以为啲小丸子，原来又冻又硬。但今次再食，感觉又好唔同，虽然都唔喺热，但口感好软糯，烟韧又有咬口，沾点甜酱油感觉好得意。
日式三色小丸子串配甜酱油
24 浏览
0 赞好
0 留言
餐饮除了啡茶，仲特别提供埋抹茶，衬晒成个下午茶餐，而且，下了好多抹茶粉，抹茶味好浓，味道甘醇，之后，再添热水饮多两转都仲OK㖞。
即磨咖啡小弟都喺钟意咖啡多啲，话晒有成7款甜点，衬咖啡就最好不过。而咖啡就无话好特别，但即磨出品，用豆又唔喺差，所以，饮落都几醇厚。
放轻心情，抛开工作烦恼，12道下午茶美食逐一慢慢细尝，又欣赏吓出面园林景致，感觉真喺几有渡假感。再者，除环境、食物，酒店即喺酒店，啲招呼宁舍熨贴，够专业，食得特别称心愉快。暂时嚟讲，老婆就好欣赏今日嘅行程安排，最紧要喺天公造美，阳光充沛，又唔太热，在我嚟讲呢，可以唔使谂返工嘢已经当渡假啦！
张贴
