影片
更多
2019-05-15
862 浏览
甚少写食评嘅我，都忍唔住要喺度话比大家听呢间餐厅有几差。话说琴日系同事 last day, 我哋五个人去咗呢间餐厅食 lunch, 12:20pm 到达，当时只有一枱客人响度食紧 set lunch 嘅 appetizer, 跟住我哋坐低，商量完大家都决定叫 set lunch, 其中三个叫 pasta, 我同另外一个同事叫pizza，叫完之后我哋就一路倾计等嘢食。Appetizer 大约咗15分钟之后到，三个 salads, 二个类似八爪鱼加beans嘅物体，个碟八爪鱼喊到冇朋友，好似食紧盐咁，同个 waitress 讲，佢剩系俾咗一个好惊讶嘅表情我，跟住就走左。食完头盘之后，我哋就继续等个 main course, 我哋几个女人一路喺度倾计，不经不觉已经等到13:05， 由于我食饭只有一个钟多D，所以开始催下嘢食，由于佢个厨房系open kitchen，我哋净系见到一班人喺度无无聊聊行行企企，而当时大约有五枱客人，冇一枱有 main course, 跟住我哋就不停催佢D食物，再过10分钟，其中两个pasta到咗，咁同事就开始食，再过多5分钟我哋个Pizza终于到咗。𠮶阵已经差不多1
话说琴日系同事 last day, 我哋五个人去咗呢间餐厅食 lunch, 12:20pm 到达，当时只有一枱客人响度食紧 set lunch 嘅 appetizer, 跟住我哋坐低，商量完大家都决定叫 set lunch, 其中三个叫 pasta, 我同另外一个同事叫pizza，叫完之后我哋就一路倾计等嘢食。
Appetizer 大约咗15分钟之后到，三个 salads, 二个类似八爪鱼加beans嘅物体，个碟八爪鱼喊到冇朋友，好似食紧盐咁，同个 waitress 讲，佢剩系俾咗一个好惊讶嘅表情我，跟住就走左。
食完头盘之后，我哋就继续等个 main course, 我哋几个女人一路喺度倾计，不经不觉已经等到13:05， 由于我食饭只有一个钟多D，所以开始催下嘢食，由于佢个厨房系open kitchen，我哋净系见到一班人喺度无无聊聊行行企企，而当时大约有五枱客人，冇一枱有 main course, 跟住我哋就不停催佢D食物，再过10分钟，其中两个pasta到咗，咁同事就开始食，再过多5分钟我哋个Pizza终于到咗。𠮶阵已经差不多13:30，唯有嗱嗱临开餐。点知当我开始谂住食个pizza，见到个底全部都系油，个Pizza底仲要㶶到冇朋友。我当堂火都黎。即刻叫个Waitress过嚟，问佢点食个pizza。佢乜都冇讲，净系收咗我个Pizza。我已经一肚气，同佢讲我等唔切佢再焗个Pizza，跟住我走先。临走前我仲同间餐厅讲叫佢记得取消我个餐。
后来我啲同事食完返嚟，同我讲间餐厅本来都冇取消我个餐，系佢哋提佢先识得取消😡
呢啲咁嘅餐厅，请我都唔会再去。
张贴