小曼谷泰國美食 (已搬遷) 新店位置

九龙城不嬲都有好多泰国餐厅，但我都系钟情于小曼谷。今次嚟到就叫咗个泰式黄金虾、泰式拼盘同金边粉。见到个黄金虾就知佢有几重料，啲蛋黄完全舖满晒咁多只虾，好香呀，又啖啖肉。而拼盘就有虾饼、鱼饼、春卷同荷叶包鸡。(𠮶日冇荷叶包鸡，用咗另一种鸡去代替) 我就叫咗个小拼盘，每款有两件，如果两个人食就啱啱好，唔使争。另外，个泰式金边粉系非常非常非常入味。我不嬲去食泰国餐厅都会食金边粉，但呢间系可以比满分。嘢饮方便就叫左芒果冰沙同青柠冰沙，系呢个炎炎夏日，唔饮番杯冰沙真系唔得点掂呀。