影片
更多
2023-07-24
862 浏览
呢间餐厅主打现代泰式休闲美食 会喺传统泰菜加入创新元素 创造出好多视觉同味觉上都带嚟新鲜感嘅菜式主厨系泰国最出名嘅获奖主厨之一 会选用嘅泰国时令食材 务求新鲜！Amuse Bouche直译系「给嘴巴的娱乐」其实系几件好精美嘅前菜要重点讲讲其中两款：🌽粟米挞 脆脆嘅薄饼底装著烧烤过嘅粟米 每粒都脆卜卜好甜好新鲜酱汁加入咗青柠汁 酸甜得嚟又有香茅独特嘅香料味最顶顶仲挤咗粟米慕斯同埋咸蛋黄片 整体更香口浓郁🍊泰式柚子沙律配北海道带子北海道带子虽然切粒但都毫不影响佢嘅新鲜爽口而且呢款酸味最为突出 超级啱做前菜🦐Banana Prawn, Seaweed, Spicy Beetroot概念同平时食嘅泰式生虾差唔多 不过就用咗熟虾嚟代替最特别系调味并唔系平时嘅盐同胡椒粉 而系用经过翻炒再熬成精华嘅糯米再提练出嚟嘅米油同米粉上边铺咗大量唔同品种嘅泰式香草香叶隔离系一球混合红菜头同埋泰式海鲜酱打成嘅雪葩 特别又清新🍛Grouper, Thai Kale, Choo Chee Curry马友鱼相信大家都唔会陌生 鱼肉鲜嫩味道鲜甜鱼皮都炸到鱼鳞直竖 超级香脆配搭辣度温和又带微微甜度嘅泰式红咖哩隔离好吸睛嘅
会喺传统泰菜加入创新元素 创造出好多视觉同味觉上都带嚟新鲜感嘅菜式
主厨系泰国最出名嘅获奖主厨之一 会选用嘅泰国时令食材 务求新鲜！
Amuse Bouche
12 浏览
0 赞好
0 留言
直译系「给嘴巴的娱乐」其实系几件好精美嘅前菜
要重点讲讲其中两款：
🌽粟米挞
脆脆嘅薄饼底装著烧烤过嘅粟米 每粒都脆卜卜好甜好新鲜
酱汁加入咗青柠汁 酸甜得嚟又有香茅独特嘅香料味
最顶顶仲挤咗粟米慕斯同埋咸蛋黄片 整体更香口浓郁
🍊泰式柚子沙律配北海道带子
北海道带子虽然切粒但都毫不影响佢嘅新鲜爽口
而且呢款酸味最为突出 超级啱做前菜
🦐Banana Prawn, Seaweed, Spicy Beetroot
概念同平时食嘅泰式生虾差唔多 不过就用咗熟虾嚟代替
最特别系调味并唔系平时嘅盐同胡椒粉 而系用经过翻炒再熬成精华嘅糯米再提练出嚟嘅米油同米粉
上边铺咗大量唔同品种嘅泰式香草香叶
隔离系一球混合红菜头同埋泰式海鲜酱打成嘅雪葩 特别又清新
Grouper, Thai Kale, Choo Chee Curry
7 浏览
0 赞好
0 留言
马友鱼相信大家都唔会陌生 鱼肉鲜嫩味道鲜甜
鱼皮都炸到鱼鳞直竖 超级香脆
配搭辣度温和又带微微甜度嘅泰式红咖哩
隔离好吸睛嘅炸波波其实系混合咗免治猪肉同埋四种唔同类型嘅羽衣甘蓝
唔单止唔油腻仲会食完想再食～
Signature Grilled Lobster by Chef Ton
$680
19 浏览
0 赞好
0 留言
身为龙虾爱好者见到有得嗌点可以唔加配呢！
龙虾开咗边所以都好方便食用 厨师亦好贴心将虾膏集中放喺中间
唔好以为个酱汁无咩特别 其实系混合咗大头虾虾膏同埋冬阴功
啖啖肉又惹味 绝对系必点之选🤤
Crab, Mushroom, Homemade Siracha
6 浏览
0 赞好
0 留言
卖相超级精致 用蘑菇碎碎堆积
上面放咗啲好新鲜鲜甜嘅日本蟹肉
隔离分别系蟹膏酱 黑橄榄酱 同埋餐厅自家制嘅是拉差酱
建议可以好似我哋咁头三啖各配一款酱汁 再跟自己喜好
咁就可以试到几款唔同感觉
Australian Wagyu, Fennel, Holy Basil
6 浏览
0 赞好
0 留言
第二个主菜就系呢份澳洲M8和牛 油脂香同肉味相对平均
日晒方法制成嘅红酒汁做酱汁 完全唔会盖过和牛香味
反而配搭得相得益彰
旁边嘅果冻用茴香片同圣罗勒混合而成
Pre dessert
6 浏览
0 赞好
0 留言
呢个咁吸睛嘅桃红色雪葩唔系红火龙果 而系洛神花
平时洛神花比较多系冲水饮 以雪葩嘅形式出现 酸甜嘅味道好似更突出
旁边放咗少量新鲜火龙果粒同埋浸过橙汁嘅葡萄干
葡萄干又有橙香 感觉好得意
Wine
16 浏览
0 赞好
0 留言
呢次配嘅酒我哋都好满意 绝对有助提升食物嘅味道层次
张贴
