泰拍耶

营业中

休息中

上次同妈咪去吉之岛行街，发现有间泰国菜馆-泰拍耶。今日带老公去试下。餐厅环境坐得都几舒服，老公表示满意。见餐厅有二人套餐，不过难得有一日可以掉低两个小朋友去撑枱脚，我地就冇跟套餐叫。菠萝炒饭一向系我最爱，香甜菠萝再配上脆口腰果同肉松，非常好味。见炒饭中仲加入提子粒，令到甜甜感觉再提升，配合菠萝原先微酸口感。招牌黄咖喱面包软壳蟹 ，老公话我最爱软壳蟹，所以叫左呢个俾我试吓。软壳蟹热辣辣，面包入面系满满黄咖哩汁，烘到脆脆既面包沾上咖哩汁，好惹味。蒜蓉炒椰菜苗，第一次食椰菜苗，原来口感系甘爽脆。蒜蓉炒清清地，不会很重味精，呢碟竟然系我哋最快食晒个样𩠌。饮品同甜品，我地叫左龙眼冰，蝶豆花椰汁冰同芒果糯米饭。食完晒真系大满足，捧住个肚返屋企。