影片
更多
2022-06-04
452 浏览
上次同嚟愉景湾当大雨，下定决心要嚟多次。同朋友约埋拣咗端午节入嚟庆祝，不过人算不如天算，今日都系下雨天（总挂念从前）。我地预约咗愉景湾酒店嘅Cafe bord de Mer & Lounge食dinner buffet，虽然落雨又冇得玩，但系起码有餐好嘢食！仲可以望住海滨白教堂呢个美景食。公众假期 $608+10%食两个钟。六月开始做泰国主题，有劲多泰式美食。除咗泰国嘢都有平时自助餐嘅海鲜、刺身、甜品、冷盘、生果、雪糕等等。泰国食品来讲，我好钟意佢嘅榴梿慕丝卷蛋。系有香浓嘅榴梿味，但系又唔会好甜，卷蛋仲好绵。佢哋仲有细细份芒果糯米饭，超可爱，烟韧嘅糯米加上嘅啖啖椰汁，赞！仲有不得不提嘅泰式打抛猪生菜包，咸咸辣辣嘅肉粒加上生菜好夹。佢哋仲有即制嘅船面同海鲜冬阴功汤，分量同材料任你拣。船面有少少辣，面条好柔细，我哋拣咗猪红、豆卜同埋牛丸，个汤好入味。@好钟意食佢嘅泰式炒金边粉、泰式椰浆杂菜炒饭同埋虾饼，金边粉面条好烟韧，甜甜地仲有好多虾。炒饭好香，材料丰富。小食都好多，有泰式鱼饼，好辣好惹味；有泰式串烧，牛同鸡嘅肉质都够滑。虽然端午节呢到无糭食，但系都有泰式香叶包鸡，外型似足一只糭，够入味
我地预约咗愉景湾酒店嘅Cafe bord de Mer & Lounge食dinner buffet，虽然落雨又冇得玩，但系起码有餐好嘢食！仲可以望住海滨白教堂呢个美景食。公众假期 $608+10%食两个钟。六月开始做泰国主题，有劲多泰式美食。除咗泰国嘢都有平时自助餐嘅海鲜、刺身、甜品、冷盘、生果、雪糕等等。
泰国食品来讲，我好钟意佢嘅榴梿慕丝卷蛋。系有香浓嘅榴梿味，但系又唔会好甜，卷蛋仲好绵。佢哋仲有细细份芒果糯米饭，超可爱，烟韧嘅糯米加上嘅啖啖椰汁，赞！仲有不得不提嘅泰式打抛猪生菜包，咸咸辣辣嘅肉粒加上生菜好夹。
佢哋仲有即制嘅船面同海鲜冬阴功汤，分量同材料任你拣。船面有少少辣，面条好柔细，我哋拣咗猪红、豆卜同埋牛丸，个汤好入味。@好钟意食佢嘅泰式炒金边粉、泰式椰浆杂菜炒饭同埋虾饼，金边粉面条好烟韧，甜甜地仲有好多虾。炒饭好香，材料丰富。
小食都好多，有泰式鱼饼，好辣好惹味；有泰式串烧，牛同鸡嘅肉质都够滑。虽然端午节呢到无糭食，但系都有泰式香叶包鸡，外型似足一只糭，够入味。泰式九重塔青口都唔错，我钟意呢只香草味，青口都好多汁同新鲜。劲多泰国嘢，合埋只眼食真系觉得自己去咗泰国。
海鲜有鳕长脚蟹，蟹脚啲肉有新鲜海水味，蟹盖好多膏。师傅即场切嘅烧烤西冷牛肉都好好味，肥瘦适中，入口嘅油脂啱啱好。甜品好多蛋糕都唔错，我最钟意佢嘅香浓蛋味嘅葡挞同埋超滑嘅云呢拿奶冻。最后食咗三个Movenpick雪糕一支榴梿雪条就好满足（同好肥）。
食完饭去埋佢地隔离间bar，几十蚊买杯嘢饮坐下吹下水，西班牙啤酒星星好饮。呢到仲有得玩飞镖同桌球同埋气垫球。
张贴
