影片
更多
2022-12-01
2402 浏览
呢餐饭食左个几星期，我觉得应该好好推荐，谂左一排应该点写，因为上任半年嘅女主厨Lexine Hepworth的确令我非常惊喜，至少执笔之时我已经想再过嚟食多一餐，The Murray入面嘅Popinjays年几之前Staycation已食过一次，当时感觉系唔错，但系食物冇去到非吃不可嘅地步，但系餐厅嘅环境的确值得一访，个次之后一直无机会再来，但今次食完之后，感觉完全另一回事，可以见到主厨对于餐厅嘅影响几大。餐厅日景夜景点靓都唔需要特别介绍，你google下都知几靓，都系讲番食物。Lexine来自于英国，家族从事酒店，细细个已经发觉佢嘅烹饪兴趣，去过法国学厨，之后加入米芝莲三星餐厅The Waterside Inn，之后等得到为英女王下厨嘅机会，怪不得加盟香港美利之后Popinjays完全截然不同。当晚食左佢嘅set dinner，加左其他少少野食，先讲set入面嘅选择。PAN SEARED HOKKAIDO SCALLOPS带子那个刚熟状态加煎得微㶶，感觉非常美妙，送杯佢哋signature 嘅香槟就绝配。主菜我点了GRILLED WAGYU BEEF STRIPLOIN，当然佢嘅st
呢餐饭食左个几星期，我觉得应该好好推荐，谂左一排应该点写，因为上任半年嘅女主厨Lexine Hepworth的确令我非常惊喜，至少执笔之时我已经想再过嚟食多一餐，
The Murray入面嘅Popinjays年几之前Staycation已食过一次，当时感觉系唔错，但系食物冇去到非吃不可嘅地步，但系餐厅嘅环境的确值得一访，个次之后一直无机会再来，但今次食完之后，感觉完全另一回事，可以见到主厨对于餐厅嘅影响几大。
餐厅日景夜景点靓都唔需要特别介绍，你google下都知几靓，都系讲番食物。
Lexine来自于英国，家族从事酒店，细细个已经发觉佢嘅烹饪兴趣，去过法国学厨，之后加入米芝莲三星餐厅The Waterside Inn，之后等得到为英女王下厨嘅机会，怪不得加盟香港美利之后Popinjays完全截然不同。
当晚食左佢嘅set dinner，加左其他少少野食，先讲set入面嘅选择。
PAN SEARED HOKKAIDO SCALLOPS带子那个刚熟状态加煎得微㶶，感觉非常美妙，送杯佢哋signature 嘅香槟就绝配。
主菜我点了GRILLED WAGYU BEEF STRIPLOIN，当然佢嘅style 无HENRY咁野性，那精彩的嫩红再加上煎得同样脆的配菜，无敌，而且唔会因为和牛而非常油腻。
听过佢嘅Lobster Ravioli好出名，不过转左餐牌之后冇咗，今晚食嘅反而系BOSTON LOBSTER，个肉质好好，相信对比Ravioli有过之而无不及，点龙虾个酱汁格外动人，特别推介食虾钳嘅部份，个种滑很少吃到的温柔。
另外，Lexine嘅Foie Gras有一种动人魔力，食完完全找不到有油腻嘅感觉，Foie Gras入口立刻溶化，不着痕迹地令你味蕾存在余香，如果加杯Sature就完美。
最尾甜品吃了羊芝士，个种食法你应该喺香港比较少见，始终系主厨家乡嘅食法，连我觉得goat cheese好膻但今晚都接受到嘅味道。
下个post可以再讲多少少，剩系呢几碟菜式已经够我觉得惊喜了。
张贴
