影片
更多
2018-01-29
2444 浏览
法国同事嚟香港培训，问我周末可唔可以带佢去见识一吓香港特色「蒲点」- 兰桂坊，作为一个正宗港女，其实我嘅「蒲点」以油尖旺为主，见佢咁靓仔咋，一于一齐去「蒲」吓啦！佢俾左某个旅游app我睇，已经拣左要去米之莲推介嘅泰菜店，有旅行家话: “The best Thai food in LKF”㖞，饭后就去另一酒吧饮野，搅到好似系佢带我去蒲咁~入夜后嘅兰桂坊越夜越热闹，好多外籍人士，就连中国游客都好多。七点半去酒店接佢，就带佢嚟呢度食晚饭，因为预先订左位，地下接待个店员就安排我地到三楼。餐厅位处二楼同三楼，到三楼后另一店员又带我地到左边用膳，都几多客人。装修几有情怀，灯光有啲昏暗，对于高大威猛吧法国同事个楼底就显得有点儿太低~餐厅五周年庆典，有五个优惠。睇睇其他餐牌，价钱同普通泰菜店差唔多，估唔到系咁平㖞。最后见到个餐牌「四道菜分享晩餐」，话四道菜，但系总共有十样野，两位或以上就叫得，每位$288。柚子沙律 - 柚子肉多又多汁，加埋炸椰子丝同炸蒜片，惹味开胃。炸虾饼 - 好热，啱啱炸起，够弹牙。可以加埋泰式酱汁一齐食。香兰叶包鸡 - 鸡肉本身腌得好入味，仲吸收晒班兰叶香味，鸡肉系超级嫩滑厚肉，
入夜后嘅兰桂坊越夜越热闹，好多外籍人士，就连中国游客都好多。七点半去酒店接佢，就带佢嚟呢度食晚饭，因为预先订左位，地下接待个店员就安排我地到三楼。
餐厅位处二楼同三楼，到三楼后另一店员又带我地到左边用膳，都几多客人。装修几有情怀，灯光有啲昏暗，对于高大威猛吧法国同事个楼底就显得有点儿太低~
餐厅五周年庆典，有五个优惠。睇睇其他餐牌，价钱同普通泰菜店差唔多，估唔到系咁平㖞。最后见到个餐牌「四道菜分享晩餐」，话四道菜，但系总共有十样野，两位或以上就叫得，每位$288。
柚子沙律 - 柚子肉多又多汁，加埋炸椰子丝同炸蒜片，惹味开胃。
炸虾饼 - 好热，啱啱炸起，够弹牙。
可以加埋泰式酱汁一齐食。
香兰叶包鸡 - 鸡肉本身腌得好入味，仲吸收晒班兰叶香味，鸡肉系超级嫩滑厚肉，出色！
椰子鸡汤 - 用左香料、椰浆、菇、大量鸡肉嚟煮，鸡汤味道带点酸辣味，仲要几辣吓，我饮完个汤要饮返大量清水。
招牌炒大虾 - 虾中间系已经剥左壳，但虾肉仍然咁巨型！虾肉好弹牙，好好食呀。
椰汁青咖喱鸡 - 青咖喱香甜味浓，鸡肉好多。但鸡肉同个鸡汤好似重覆左咁，建议呢味𩠌转做其他肉类会更好。
烧香辣牛柳粒
牛粒腍滑，但有部份系有根位。香料味非常浓，完全遮盖晒牛肉味道！
蒜香椒丝炒椰菜苗
炒椰菜苗 - 炒得爽脆，有镬气。
泰国丝苗白饭 - 白饭装得满满，一个女仔未必食得晒！
甜品南瓜布甸 - 好感动呢度有得食。几年前食过一次之后就揾唔返，因为做左只可以摆到一两日，间间餐厅都唔肯做呢个甜品。碟底系香滑椰子酱，一片南瓜布甸，味道有啲似炖蛋，外围系清甜南瓜肉，好好食好好食！
每人$288可以喺中环叹到米之莲泰菜，仲有十样野，款式够晒多，每碟份量都唔少，系抵食！慢慢食食到十点，我个厅啲客人走晒，好似包厅咁，又有靓仔在前，浪漫！餐后仲一齐蒲「吧」去！
张贴
