影片
更多
2013-08-25
5243 浏览
细个既时候每次经过半岛酒店都会被佢慑人的气势吓怕，主观地认为一定「贵到呕」，唔系我地呢D平民百姓可以afford到既地方，所以唔敢去见识见识。长大后，可能系因为那种对殖民地的情意结或者系以前美好时代的眷恋吧，一直都好想去「朝圣」。继The Vernandah之后，今次我终于有机会借Anniversary之名去酒店既28楼拜访一下那个panorama海景！同半岛酒店其他餐厅不同，Felix的入口位于大堂的一角，由落的士的foyer行过去必须经过那个classical的lobby，先要穿过那阵英式下午茶的香气及那优雅脱俗的大堂，慢慢往靠近后门九龙酒店那边的独立入口。由地下坐电梯上去，沿途的灯光渐渐昏暗，好像为我那紧张的心情加添一份神秘感。Reception位于走廊既末端，Waitress非常细心，一去到已经知到我叫乜野名，然后带我俩去我们指定要求的Seaview seats。一坐低的感觉，「唔…怪怪的」？再望望张櫈，原来那雪白的椅子系用ergonomics既人体工学设计，于两腿中间既位置有小小突起既部份，唔通咁样就会坐得舒服D？过左一阵，Waitress送黎两部iPad，里面资料非常齐全，
同半岛酒店其他餐厅不同，Felix的入口位于大堂的一角，由落的士的foyer行过去必须经过那个classical的lobby，先要穿过那阵英式下午茶的香气及那优雅脱俗的大堂，慢慢往靠近后门九龙酒店那边的独立入口。由地下坐电梯上去，沿途的灯光渐渐昏暗，好像为我那紧张的心情加添一份神秘感。Reception位于走廊既末端，Waitress非常细心，一去到已经知到我叫乜野名，然后带我俩去我们指定要求的Seaview seats。
一坐低的感觉，「唔…怪怪的」？再望望张櫈，原来那雪白的椅子系用ergonomics既人体工学设计，于两腿中间既位置有小小突起既部份，唔通咁样就会坐得舒服D？过左一阵，Waitress送黎两部iPad，里面资料非常齐全，除左一般menu之外，double click入去重可以见到每个dish既相，仲有short description介绍背景资料好似食材、烹调方法等等，非常特别。而喺wine menu里面，更加可以见到酒既年份、酒庄资料、甚至口感同埋适合于某种main course，非常细心。只可惜既系佢只系「read only」，order既时候都仲要再一次同waitress order，失去左用iPad既原意，似系用黎点缀多于实际意义既花巧野。
Order左无耐之后侍应首先奉上面饱。蕃茄饱入口感觉非常特别，淡淡既蕃茄味同面饱新鲜软熟既口感混埋一齐，酸酸甜甜既感觉十分特别。相比之下，另外一个就相对失色不少，极其量只可以叫做比一般水平优胜而已，不提也罢！
几分钟后waitress返黎比左一张新鲜打印出黎既「上菜纸」，将我地当晚order既Felix Experience全部印晒出黎，非常细心。喺微微既灯光、醉人既红酒同埋维港催灿既夜景衬托之下，呢一刻真系好想时间立刻停顿，好让我去慢慢享受呢个美丽既画面！由于事前早已夹好时间既关系，可以睇晒成个「幻彩泳香江」既show，一百八十度既panorama view就好似喺海旁一样咁震撼！
"Beach" Sweet Shrimp Tartar, Chilled Tomato Gezpacho, Cucumber and Bell Pepper Salad首先出场既appetizer非常特别，用左粗盐再加少少调味料染色去模彷沙滩上面的沙的感觉。图中既木头同埋石头当然系真材实料，绝对唔食得落肚！但最特别的要算系那块wakeboard。用prawn cracker去营做滑浪板既感觉固然特别，而上面的芒果粒更加有一种特别夏日既感觉。Testtube 里面的那个sauce用了少少辣椒汁去做，感觉上有少少Tabasco既感觉，当佢倒落个杯度，同里面既鲜虾同埋蔬菜混合出黎既感觉，spicy得黎又可以食到虾chunky同埋甜甜既鲜味，非常特别！
Deep-fried Crab with Malon Coulls, Lemon-balm Crea, Almon and Yello Endive Salad蟹球炸得十分松脆，不单食到蟹既味道，更加连蟹肉一条一条既texture都食得出，果然系一分钱一份货！至于另外那个用cream做成既球体物质，坦白讲个人黎讲觉得只系一般，口感偏浓同埋有少少酸味，应该系跟足正宗方法去煮，所以一般亚洲人唔系咁容易接受到！至于蜜瓜方面就食得出食材既质素，正所谓「less is more」，喺「无添加」既情况下反而更加带出水果既鲜味，同外脆内软既蟹球简直衬到绝！
Confit of Chicken with Braised Fennel in Bag, Baby Spinach and Potato Salad, Black Truffle Oil顾名思义，「慢煮」的鸡肉巻连埋个薄薄既袋一齐上碟，waiter会喺你面前介绍烹调手法同埋剪开个胶袋，非常细心。由于用左慢煮既关系，鸡肉巻能够做到锁住肉汁，唔单只juicy之余，亦唔会好似坊间一般煮法令到表面水份流失，影响口感。
至于伴碟的那个Spinach 同埋Potato Salad Side Dish，坦白讲感觉一般，不过都做到爽口同埋有一种好fresh既感觉，与浓烈既sauce刚好调和一下，不致于有咸到呕既感觉出现，算系中规中矩。
Roasted Australian Lamb with Orange-Vandouvan Chutnet, Mushroom, Bacon, Onion, Potato in Smoked Pod主角Lamb 煮得啱啱好，同我request既medium-rare一样，有少少血水之余又唔会有过生既情况出现。不过，可能系因为用左澳洲品种既关系，羊入口既口感比我想像中为膻，呢度要扣少少分，始终膻味系可以通过烹调手法去改善！Gravy虽然味道浓烈，但亦都唔会抢走肉本身既质感，洽到好处。最特别的要数木匙上面的Orange-Vandouvan sauce，酸酸甜甜既感觉可以刺激味蕾，令胃口大增。
远处那个用玻璃樽装着的是豆角。由于用了烟肉同埋洋葱等材料一齐烹调而成，所以口感方面会俾一般side dish略为浓左少少，不过却十分惹味，与gravy同埋lamb rack一齐既配合绝对系上佳之选！
Slow-cooked Halibut, Saffron Jelly, Poached Mussel and Clam, Gnocchi鱼方面可以话系全晚最失望的一个course。由于用左slow-cook既手法，所以口感方面基本上同食紧条蒸鱼系无分别。虽然用左个相对浓烈既sauce，但咁样反而食唔出鱼既鲜味，有D失望。至于mussel 同埋clam方面，感觉有少少overcooked，两者都因为收干晒水而缩晒水，亦都因为无晒水份而令到口感韧得好紧要，几乎咬唔开咁济！
特别要提一提既系Gnocchi，可能因为食唔惯既关系，第一口咬落去既感觉好似系食紧一旧擦纸胶，再加上完全无调过味，难食到差唔多要吐出黎咁济！
Selection of Cheese要留意系要加$80 supplement既。虽然系咁，但系食物质素绝对无令我失望。面饱松软得黎却带点crunchy，感觉近似饼干，作为食芝士既最佳拍档可谓衬到绝！芝士方面，虽然唔可以称得上系咁耐以黎食过数一数二既质素，但都真系要赞下佢喺选料方面既工夫，三种唔同味道既芝士配搭刚刚洽到好处！
Mini Rum Syrup, Baked Almond Cake, Mascarpone-vanilla Whipped Cream Cane Sugar Ice Cream, White Chocolate Disk甜品方面继续维持半岛一贯既高质素。Almond Cake杏仁味好足，口感亦都十分松软。放喺白朱古力上面更加可以「软硬兼施」，一啖软一啖硬，入口既感觉真系非常特别！而那个Cane Sugar味道既雪糕都十分特别，只可惜味道比较浓烈同埋甜左少少，对于平时钟意食相对清淡既水果味雪糕既我觉得over左。
最特别的系strawberry上面既Anniversary Tag。仲记得订位既时候都冇刻意同佢地讲Anniversary，只系食饭前几日「系咁易」email佢地，提起有冇D乜野特别既野可以加落去。佢地email咗我之后我都冇左件事冇覆佢地，但点都估唔到佢地咁细心，记得我地呢个特别既日子之余，仲要好low profile咁整左个tag俾我地，佢地既窝心绝对要比个「赞」佢！
Petit Fours已经饱到差唔多食唔落咁济，只系浅尝左macaron同埋chocolate。Macaron方面麻麻地啦，都系一般货式，个人黎讲我觉得LBT会比较好食。而朱古力方面既可可同埋牛奶都落得好足，只系实在太饱，加上已经食左差唔多3个半钟，所以心急的我已经再冇闲情逸致去慢慢细味，冲冲埋单走人，归家去了！
Overall以5星级酒店既餐厅黎讲，Felix绝对交足功课。无论喺选材、食物既烹调手法、waitress对食物既认识，甚至相对应既餐酒既知识都可以叫做非常唔错。唯一要批评既系人手方面既问题。由于坐喺餐厅食正维港海景既「角落头」位置，Waiter好多时都睇唔到我既手势，以致要叫好多次先至揾到佢地，呢度以5星级既标准黎讲要扣少少分。重有就系点解餐厅有个咁靓既view但系竟然要落百叶帘遮住佢？简直糟塌晒最刹食既180度维港港景！坦白讲，同好多comment一样呢度绝对系食景多过食饭。可能因为跟足正宗欧洲煮法既关系，对于食惯豉油西餐既自己感觉总系格格不入，觉得呢度同Morton's之类主打牛扒既餐厅既感觉总系差少少。不过，以$3000都唔驶既价钱(2个set，两杯酒、一枝still water)就可以有咁既服务又唔可以叫做好贵！
P.S. 见到$388既early dining menu真系好吸引，下次有机会一定要再黎试吓呢个超值之选！
张贴
