The Salted Pig (MegaBox)

营业中

休息中

Megabox 睇完戏出黎，见到呢间餐厅晚市套餐都几多选择，于是同老公试下。餐厅环境超大，餐厅采用折门，将全部门打开，更显极大空间感。而且座位好阔落，坐得好舒服。晚餐套餐  $198/位头盘老公拣咗海鲜蕃茄汤，我就拣咗带子刺身。海鲜蕃茄汤海鲜蕃茄汤材料好足，有蚬、青口、鱼、虾，虾肉弹牙，加入蕃茄酱同辣椒片，味道几辣，饮完好醒胃。日本带子刺身、柚子豉油带子刺身好新鲜，配上柚子豉油，更突出左带子嘅鲜甜。辣吞拿鱼芒果意大利饭意大利饭软硬适中，吞拿鱼同芒果份量都几多。意大利饭用上烘培芝麻汁、墨西哥辣椒。辣椒辣味再配上芒果甜味，味道甜甜辣辣，估唔到咁夹。烧阿根廷肉眼、杂菜沙律、薯条  +$100烧阿根廷肉眼有12安士，好大份。肉眼点左7成熟，入口肉味浓郁。旁边配上新鲜嘅杂菜沙律，可以中和一下肉嘅油腻感。Brownie  +$18套餐甜品本来想食法式焦糖炖蛋，好可惜卖晒，于是侍应推介我哋食Brownie。Brownie 唔太甜，朱古力味浓，又估唔到又几好食，为今餐晚饭划上完美句号。