影片
更多
2016-11-18
9958 浏览
认识在下既人都知道, 在下系唔钟意同埋唔会去食自助餐, 一来佢同Fine Dining 追求贵精不贵多既Concept背道而驰 (对不起, 在下一向觉得自助餐啲野食唔多好味, 一味靠多款取胜), 二来… 老啦, 食唔到几多野, 发挥唔到自助餐精神 – 食到回本… 所以对于自助餐, 在下一向都避之则吉~适逢友人见工得左, 脱火海成功, 系时候要兑现两个月前既承诺 – 一餐半岛 (餐厅在下简~ 总之系半岛酒店) 中菜厅嘉麟楼十二月头已有饭局, 法国菜Gaddi’s上个礼拜食完, 认真麻麻, 至于瑞士菜Chesa… 天气咁热, 边有雅致食名物芝士火锅? 得番日本菜Imasa 同The Verandah… 在下坚守原则, 唔喺香港食高级日本菜, 要食一定要番日本食, 所以顺利成章造就今日既The Verandah, 都ok既, 反正食过晒咁多间五星酒店既自肋餐, 唯独半岛未试!自助餐中午价钱平日每位$468, 已经唔算平, 周末更离谱, 盛惠每位$788, 同夜晚Buffet睇齐, 完全冇克制可言… 而且仲要冇蚝, 冇原只龙虾, 冇包酒水, 都够胆死收人 8旧几水落楼, 唔好去抢? 唔系..系
认识在下既人都知道, 在下系唔钟意同埋唔会去食自助餐, 一来佢同Fine Dining 追求贵精不贵多既Concept背道而驰 (对不起, 在下一向觉得自助餐啲野食唔多好味, 一味靠多款取胜), 二来… 老啦, 食唔到几多野, 发挥唔到自助餐精神 – 食到回本… 所以对于自助餐, 在下一向都避之则吉~适逢友人见工得左, 脱火海成功, 系时候要兑现两个月前既承诺 – 一餐半岛 (餐厅在下简~ 总之系半岛酒店) 中菜厅嘉麟楼十二月头已有饭局, 法国菜Gaddi’s上个礼拜食完, 认真麻麻, 至于瑞士菜Chesa… 天气咁热, 边有雅致食名物芝士火锅? 得番日本菜Imasa 同The Verandah… 在下坚守原则, 唔喺香港食高级日本菜, 要食一定要番日本食, 所以顺利成章造就今日既The Verandah, 都ok既, 反正食过晒咁多间五星酒店既自肋餐, 唯独半岛未试!
自助餐中午价钱平日每位$468, 已经唔算平, 周末更离谱, 盛惠每位$788, 同夜晚Buffet睇齐, 完全冇克制可言… 而且仲要冇蚝, 冇原只龙虾, 冇包酒水, 都够胆死收人 8旧几水落楼, 唔好去抢? 唔系..系好过去抢…
不过~ 今餐系友人请既, 条气顺晒, 哈~ 同友人准时十二点半到逹餐厅, 坐底叫左枝红酒就正式开餐, 回(唔到)本之战, Round 1!
<FOOD>Menu: Lunch Buffet
Price: $788 per person
Appetizer (Cold Cut, Seafood, Foie Gras Mousse)
前菜 (冷盘, 海鲜, 鹅肝慕丝)
味道评分: 6/10
Buffet Area中间有一张长枱, 上面有齐各种沙律同配料, 沙律菜有4款, 款款望落都好新鲜, 不过呢啲低价值既野, 在下冇试到, 哈哈, 纵使呢场战争必败, 但回本之心不可灭! 沙律隔离有几款finger food, 试左个芝士火腿卷, 一般过一般…
黎得食自助餐, 大家目标都系攻海鲜. 呢度海鲜战场既重点系龙虾杯同鲍鱼仔. 龙虾肉俾得算大方, 亦有龙虾鲜味, 配左芒果粒同牛油果酱, 整体感觉还可以. 至于鲍鱼仔, 需知道唔系叫亲鲍鱼都系贵野, 呢度俾你任拎任食当然唔系咩值钱货, 九孔鲍是也, 街市十蚊一只有找~ 老实说, 鲍鱼味真系食唔出, 不过汁酱叫做烩得入味, 不至于淡然无味.
战场仲有一大盘刺身任拎, 赞既系佢唔会好似其他酒店要配给咁肉酸 (个个拎住只碟喺度”行乞”, 跪求师傅厚切), 刺身有剑鱼, 八爪鱼, 北寄贝, 三文鱼, 吞拿鱼等等等, 不过在下喺香港少食刺身, 所以skip左呢一盘野… 刺身类别仲有一大盘甜虾, 个样几靓几新鲜, 在下都不禁夹左两小只试下, texture对板食得出甜味, 友人则大赞高质.甜虾隔离仲有一大盘原粒带子, 又系任夹, 带子算几饱满不过冇咩带子味, 但已经比平时hae食既好好多. 仲有青口, 又系望落肥美, 食落口就知道唔系果回事… 只可以话: 在下食过更更更好既… 蟹类有两款, 一款系蟹钳, 餐厅好细心将一半蟹壳剪走, 所以放落口一啜就食到, 另一款系鳕长蟹脚, 同样已经开晒边, 唔驶问佢地拎较剪, 呢啲就叫做窝心既服务啰… 有冇人同在下一样, 最怕喺街度剥蟹, 整到成手污糟晒, 一谂起就懒得去食! 至于味道呢, 不过不失啦, 蟹味唔够鲜唔够浓 (雪藏货色), 不过胜在冇一味死咸, 自助餐质素算系咁啦…
寿司环节, 得罪讲句, 食过东京三星米芝莲Yoshitake同大板两星既Sushi Harasho之后, 而家在下对大部份寿司都已经免疫, 所以纵使系半岛酒店, 面前盘寿司对在下黎讲依然系零吸引力, 心谂呢碟野都系留俾有需要既人吧… 不过佢又放得几靓, 细细旧摆得几cute, 在下即管捧下场, 食左一件汁烧小章鱼寿司, 果然… 真系浅尝都无谓~cold cut方面有三款火腿同两款烟三文鱼, 在下食试左烟三文鱼, 味道唔错唷~
前菜最后一个环节: 由酒店侍者亲手奉上每人一客鹅肝mousse雪糕, 鹅肝香味一流, mousse滑溜, 不过败笔喺个雪糕筒, 唔知系唔系摆得耐得济, 淋鬼晒, 要知道淋pat pat既雪糕筒真系难食到冇朋友, 失败啊! 嘥晒个鹅肝!
Main Course (Hot Dish)主菜 (热盘)
味道评分:: 7/10
其实主菜都有好多款, 不过大家都知… 边有人黎自助餐系黎食热盘架? 希望呢句冇得罪人... 要数热盘最回本既菜式, 当然系烧牛扒 (其实佢系Prime Rib), 依个亦系佢地将weekend lunch卖到$788其中一个原因 (根本系借口!), 好似话平时礼拜一至五既午餐冇呢样, 在下就即管睇下佢值唔值~ 块牛喺未切时就咁望落去已经好吸引, 果然~ Medium既生熟程度, 嫰得黎牛味浓郁, 肥瘦均匀, 配埋少少gravy同芥末酱, 完全系高质既表现, 拍得上 Lawry’s the Prime Rib 两百几蚊一块既质素, 在下完全收货!
牛扒表现好, 谂住唔争在都试埋隔离个羊腿肉, 点之又干又鞋又冇味, 差! 完全放唔到落口…唔知边度黎既inception, 半岛啲咖哩应该会好好食, 可能因为佢地系英式酒店, 而英国人整咖哩应该有一手, 咖哩菜式有鸡, 鱼, 同羊, 在下剩系试左咖哩羊, 咖哩汁唔错, 几浓几香, 不过在下嫌佢太辣, 扣分位系旧羊肉, 韧到冇朋友, 所以在下试左一细旧就收手.
汤品有中式既鸡汤同西式既忌帘磨菇汤 (友人话好香, 似落左少少黑松露提升左成件事. 在下偷饮左一羹 (当然唔会自己毕一碗啦, 咁济~) 味道的确唔错, 忌帘比例刚好, 唔过浓过稀, nice!
热盘其实仲有一系列既菜式, 例如焗扇贝, 蒸大白菜, 焗三文鱼, 天妇罗大虾等等等, 不过呢啲蚀本货, 在下一概无试… 无法罝评~
Dessert (Cake, Tart, Ice- cream, Cheese, Fruit)
甜品 (蛋糕, 挞, 雪糕, 芝士, 生果)
味道评分: 8/10
甜品环节又系自助餐既重点, 对于好多人黎讲, 佢既重要程度比热盘更高. 但食完块牛在下已经饱左9成, 极其量都系每款浅尝一下.
先讲在下既最爱 - 芝士, 一共有五款, Brie, Parmesan, Gorgonzola (blue cheese), Gruyere, 同埋一款唔记得名, 款款都好亲民, 就算食唔惯芝士既朋友都可以一试, condiment亦都算多, 有合桃, 杏甫, 饼干, sourdough bread with nuts and dried fruit, 果酱, 配套算系高分之作! 如果提供埋蜜糖就perfect池了~
蛋糕有3-4款, 在下既肚剩系够力气食到一款, 简左日本芝士蛋糕, 轻身得黎味道唔错. 另外一个要赞既甜品系咖啡挞, 细细个, 挞上面有粒咖啡豆, cute度十足, 食落更有惊喜, 咖啡香味细致浓郁, 质地滑溜, 甜度适宜, 在下诚意推介!
另外仲有好多甜品放喺玻璃Jar任拎 (有raspberry 脆条 – 呢个几得意, 因为上面放左少少爆炸糖, 仲有朱古力块, 蝴蝶酥等等等), 钟意肉桂既朋友要试下 Cinnamon Stick, 夹埋杯咖啡真系一流.
雪糕都系呢度既亮点, 有四种味道: 朱古力, 榛子, 云尼拿, 士多啤梨 (呢个似雪皅多啲), 睇个势似系自家制. 友人好欣赏, 食完又毕, 毕完又再食, 跟住又再毕~ 在下都计唔到佢食左几多round了…
最后餐厅又系每人送左一个橙酒疏乎里, 不过只系一般货色, 聊胜于无.Petit Four: 叫餐饮时侍者送上贝谷蛋糕 madeleine, 不过在下饱到食唔到了.
<DRINKS>
Warm Water
Price: Free
估唔到半岛餐厅都有亲民既一面, 同隔离瑞士菜Chesa一样, 唔会逼你饮法国春水, 可以叫暖水, 悭番一百几十蚊.
Red Wine – Domaine Chante Alouette, Cormeil Saint-Emilion Grand Cru 2009
Price: $680 per bottle
味道评分: 8/10
今次系在下第一次食自助餐叫酒饮, 毕竟友人出鸡, 在下点都要出啲豉油, 话晒都系帮友人庆祝. 用vivino check过, 枝酒出面零售都要大概$200尾接近$300, 餐厅都系mark up 左几旧水, 还可以吧.喺半岛叫酒, 有难有容易~ 难系酒牌里面既酒绝大部分都要过千, 想揾啲平既都冇咩选择. 容易既系“半岛” 呢个名就系质素保证, 摆得落佢地wine list都一定简过, 唔会随便放啲垃圾落去, 所以差极有个谱, 可以放心咁叫.
6旧水既货色, 当然未有太大惊喜, 不过算称得上系佳酿, 轻易饮得出有别于街边西餐厅叫果啲惠康货色. 讲番杯酒, full bodied, 浆果味道浓郁, 单宁饱满, 平时少饮红酒既友人都直竖挴指!
食住野倾下计, 有杯酒fing 下既感觉系唔同啲, cheers! 酒就系一样咁神奇既野, 可以令愁更愁, 又可以amplify happiness! 不过如果阁下一心谂住黎食穷半岛, 自助餐叫酒并唔系一个好主意, 因为酒精会削弱战斗力, 加上饮到咁醉又食到好饱, 其实系好容易呕的, 喺五星级酒店获利回吐就唔系咁好啦…
Coffee or Tea – Double Espresso
Price: Included
味道评分: 5/5
自助餐包咖啡茶, 在下喺叫之前特登问侍者: 你地呢度既咖啡同Gaddi’s 既系唔系一样, 侍者回答话佢地同Gaddi’s系Share同一个Coffee Station, 在下心里暗喜: 正! 事源在下上个礼拜喺Gaddi’s 饮左杯好悏意既Double Espresso, 今日黎到, 又可以番寻味.
呢杯Double Espresso依然咁香, 甘苦同酸味Balance得好好, 唯一分别既系在下已经饱到晕, 无力细心欣赏呢杯难得既高质Espresso, 系咁易sip左两啖就收工~
<OVERALL COMMENT>
野食COMMENT
原谅在下唔系太识点去评价一个自助餐既食物… 若然用平时fine dining既标准去评, 除左烧牛扒, 芝士, 同咖啡挞系合乎口味之外, 其他都属于 “不食也罢” 级别~
不过, 野不能咁睇, 话不能咁讲, 唔同地方就有唔同standard, 始终系buffet. 同其他酒店buffet比较, 野食算中规中矩. 重点既海鲜战场比上不足, 比下有余, 整体质素系唔错既, 不过冇蚝冇原只龙虾, 收得呢个价钱, 食客始终有啲期望. 自助餐既热盘在下不嬲都会Skip, 不过烧牛扒又真系好有惊喜, 换个角度谂, 咁既质素出面卖紧百几二百蚊, 喺度食3-4块都叫可以“回本” (啊Q精神一下吧…) 至于甜品, 高质素既一般野啰 (你当系赞吧~)
自助餐除左要求味道, 款式多寡更加紧要 (呢个系自助餐精髓吧 – 量够多, 蚁多搂死象), 虽然呢度放野食既area唔大, 但都比想像中多款式. 估计原因系食客唔多, 所以每款野食放少少出黎都够, 所以夹埋夹埋都有成百款野食.
服务COMMENT
半岛既服务质素不嬲都冇庸置疑, 今次亦无例外, 当然, 十只手指有长短, Gaddi’s既服务的确比呢度仲要高几班. 不过有两个位可以再改善一下:
1. 友人唔习惯放袋喺地下, 同时又唔想摆落背脊顶住晒, 所以无奈放左喺枱面, 虽然个袋唔大, 但侍者应该留意到, 唔驶在下主动问先拎多一张櫈过黎.
2. 在下望左个酒牌都差唔多成8-10分钟都简唔落手, 理论上应该系遇到疑难, 不过好似冇侍者主动黎拯救在下…
服务叫做有少少瑕疵啦, 唔系咩严重野, 除此之外每位侍者都好专业同细心, 见在下想调个位, 都迅速走过黎帮手.
环境COMMENT
首先要一赞系张枱四正大方, 粗略估计有1.5米乖乘1.5米, 足够四个人用, 大到在下同友人坐对面都觉得有点远, 故此在下主动调位, 转坐另外一边, 倾计都容易好多.
地方阔落, 枱同枱之间既距离总美fine dining 格局 (谂番起喺洲际酒店食自助餐, 啲枱密到以为你喺度搭紧隔离张枱)
虽然我地张枱唔喺main dining area, 并且匿埋左喺一块墙后面, 冇左个靓景 (其实都唔系咩景, 只系日光日白既街景), 但变相换左个安静既用餐环境番黎, 唔会有其他食客喺附近走黎走去. Again, 再次展现半岛强项: 高质客人. 虽然餐厅冚full, 但一啲都唔嘈, 而且客人都well dress, 冇咩细路, 连年轻人都少见, 黎亲都系著得身光颈靓既客人, 冇话会见到背心短裤踢拖既大叔 (当然, 主要原因系餐厅有Dresscode 要求: Smart Casual). 另外仲有几枱西洋人同东洋人, well, 当在下肤浅吧, 在下觉得成件事好elegant~ 出去拎野食, 大家都好礼让, 绝对唔会见到你争我夺, 推拉碰抢既情况出现.以自助餐餐厅既用餐环境黎计, 半岛酒店The Verandah应该难逢敌手!
抵唔抵食?如果剩系计野食, 在下肯肯定可以讲, 唔很抵! Lunch 两条友俾左两千五, 真正食落肚都唔知有冇五旧水 (枝酒已经占左两旧水), 咁既价钱可以去任何一间米芝莲星星法国菜享受真正既fine dining, 而且仲有得找添! 不过, 讲句实话, 在下并冇针对半岛The Verandah, 只系在下从来冇觉得有Buffet系抵既.
之不过, 咁耐冇食过buffet, 久唔久黎一次系ok既. 重点在于心态, 如果真系打算黎食到回本既话, 在下拍心口保证, 你扣两次喉都唔会食够数. 但倘若跟在下一样, 志在同友人开心下, 坐得舒服又有琳琅满目唔同种类既高质美食, 静静地叹下红酒, 唔驶用神去享受艺术品一般既菜式, relax~ 纯碎轻松一下, 咁两千五百又好似唔算话太离地, 呢啲就系所谓既境界~ 正面谂系豁达, 负面谂系啊Q, 在下系属于仲有半杯水既人~
食饱饱, 真系饱到上心口… 同友人去睇戏, 萨利机长呢餐饭, 亦都代表友人转工成功. 由alibi 到 plat du jour, 最后半岛, 都差唔多成个半月~
在此仅祝友人喺新公司一帆风顺, 平步青云! 等大家考埋车牌后, 一齐自驾去转日本富士山自驾游, 食下真正既日本菜!!
张贴
