Fini's (石水渠街)

营业中

休息中

约咗朋友食饭，朋友就拣咗呢一间美国菜，佢哋嘅Pizza同意粉都系自家制，听朋友讲原来 Finis系2011年香港首间主打New York pizza嘅餐厅。呢度嘅装修好有美国特色，店员都非常之有善，放工时候好多人happy hour。Popcorn Shrimp爆谷虾细细旧，一口一啖，外面炸到松脆可口，食落去虾肉弹牙，酱汁带有少少辣味，非常之惹味。Salami三款香肠各有唔同嘅肉味，咸咸香香，用来送酒真系一流，我钟意配上意式炸包一齐食，食落去外面脆入边软心，口感烟韧。Rigatoni Alla Vodka 自制意粉配上餐厅秘制酱汁，非常挂汁，店员喺我面前刨芝士落去，令到个芝士味非常浓郁，十分回味。Tiramisu 可可味浓郁，口感软绵绵，湿润嘅蛋糕同埋cream Mix一齐，一啖真系几层口感，熄晒一件都唔会觉得腻。