彩興來來火鍋 (已結業)

好耐冇去将军澳，今日同阿妹走左出去行街顺便揾食，心血来潮想打边炉。将军澳打边炉嘅地方唔多，最后拣左呢间「彩兴来来火锅」。职员推介黄金鸡锅做汤底，有花胶鲜淮山呢d汤料岩哂女士美颜。平时打边炉都系原个锅底直接上枱，呢度就「即席表演」比你睇，伙计话佢地用生铁锅，平时冇用嘅时候会搽d生油「养」住个锅，到有客人黎既时候就先喺我地面前用清水冲洗锅，再即席烹煮汤底。先放蒜头姜片爆锅，再落新鲜鸡件，炒到鸡件表面微微转色后就放入花胶鲜淮山同埋虫草花，再加入预先淆制嘅鸡汤，用大火加盖煮滚，伙计会留意住等到鸡件全熟之后就会示意我地可以饮汤喇！汤头又甜又浓，真材实料呢！鸡肉嫩滑唔「鞋口」，花胶厚身口感亦唔欺场，不过最爱都系入哂味又够健康嘅新鲜淮山！餐厅提供嘅酱料九宫格，款式亦多，不过后来发现汤底浓郁，食材唔点酱汁已经好够味，所以呢个九宫格只属于锦上添花的一环吧！打边炉点可以缺少牛肉呢！order左一碟例牌嘅牛颈脊，油脂分布平均，牛味浓郁之余口感亦嫩滑，最重要系份量够多，岩哂我地呢d牛魔王狂擦呢！响铃热辣辣兼脆口，好食！酱爆四宝丸都唔错，黑松露牛肉丸嘅黑松露味好「出」好香，反而柚子墨鱼丸嘅柚子味就相对淡左少少，