東京アグラ (已結業)

东京アグラ Tokyo Agura之前系尖沙咀经营过的, 闻说水准不俗, 但好似因为日籍师傅要返日本,未有机会帮衬前已经转手变左另一间拉面店了.因缘际会下知道原来系湾仔重新开返Tokyo Agura, 所以特意前0黎潮拜一下.(其实都重开左好一段时间,系我孤陋寡闻0者) 餐牌好多选择,最终选择左特制鱼介豚骨沾面(酱油味),碗面颜色好靓,有红,有黄,有啡,有白,睇落好开胃.各款配料都好出色,尤其是笋段,捞过麻油,很香好好食;另外红色望落感觉好似日本面屋一灯果块慢煮叉烧0既叉烧,食落亦不俗,视觉上亦相当突出, 叉烧上少许0既黑椒带出左个叉烧0既咸香味,恰到好处,相当不错.面底份量较少而且略硬,甚至有D生,渌面火喉控制有点不足,比较少见会有哩个问题.沾面汤底唔错,略带酸,入面有D一粒粒0既肥猪肉好香好好食,不过汤底唔够热,虽然已经用左"辣”手0既汤盛载著,不过食到一半已经冻晒,味道大打折扣.整体味道只可以话OK, 唔好可以话好食,连加一索价$105有点略贵,加上食前期望颇高所以有少许失望,下次会试下其他汤面,希望能挽回面子吧!!!