Tom N Toms Coffee (已結業)

香港大型咖啡连锁店，来来去去都系C牌同P牌，之前听闻有韩国咖啡连锁店进驻香港，已经觉得有兴趣一试。 上次去完文化历史博物馆，仲特登过沙田揾Tom N Tom Coffee，点知可能适逢假日，大排长龙，所以无缘一试。早排知道屯门市广场开左分店，决定揾日平日去试试，免得假日去到又要排队。屯门分店店面开扬，坐位亦较沙田店多。望望餐牌，除左多款咖啡外，仲有提供吐司等小食。 蜜糖蒜泥吐司，店员将涂满蒜泥既吐司切开九份，再放入焗炉，之后洒上蜜糖。由于即叫即做，所以要等十分钟左右。吐司焗得外层金黄，面层蒜泥半焦，加上甜甜既蜜糖，入口咸咸甜甜咁，不过里面干争争，差咁D，结果食得不太满足。 咖啡拿铁，咖啡味香浓，入口醇滑，水准不俗，但实在太细杯，饮几口就冇哂。 基评分:*味道(基基基)**外貌*(基基)*抵食(基基)**服务(基基)*最后基言: 食物水准唔错，唯一系价钱偏贵，食物份量少。餐厅: Tom N Toms Coffee网址: https://s.openrice.com/QrbS0Qk8700地址: 屯门屯隆街3号屯门市广场1期1楼