影片
更多
2024-10-19
1340 浏览
Tonkichi 日本吉列猪扒寻晚路经沙田，去咗沙田新城市广场揾食，老婆话好耐冇食过吉列猪扒，想试e间，老婆对吉列猪扒非常一般，因为有好多食肆做嘅炸浆粗硬嚡口兼油腻，吉列变成拮脷，食到成口伤痕累累。七点左右已经好多人，睇到餐厅已经摆成Halloween布置，好彩仲有几张枱剩。太太order个传统吉列猪扒饭，我喜欢有汤汁，蛋汁煑炸猪扒就最啱我，两块猪扒都炸熟炸透，略为干身，好彩猪扒肉质好，咬落去好腍有肉味无柴皮，至于炸浆就干身无油冧冧，日本人做嘅炸浆有水准，食完唔会有油腻感觉。酱汁就有三种选择，紫菜，柚子及传统味，我钟意紫菜味同埋柚子味，传统味就比较偏甜偏酸，好似加左糖嘅Worcester Sauce，伴碟椰菜丝冰凉爽口，食完仲可以免费再加，我较喜欢同紫菜酱汁一齐食，配猪扒饭常合衬，至于面豉汤味道浓郁，仲有一只蚬，但系饮唔到有海鲜味，都算不过不失，唔会得个咸字。饭后仲有西瓜甜品同埋一杯玄米茶，西瓜同玄米茶就非常之一般，唯一可以讲嘅就系杯玄米茶够热。俾钱时发现此食店要收$9一位茶钱，几时食吉列猪扒会有咗去茶楼嘅规矩！至于服务员有礼貌，又会跟客人沟通倾偈，唔会木口木面，服务小哥工作勤快满头大
寻晚路经沙田，去咗沙田新城市广场揾食，老婆话好耐冇食过吉列猪扒，想试e间，老婆对吉列猪扒非常一般，因为有好多食肆做嘅炸浆粗硬嚡口兼油腻，吉列变成拮脷，食到成口伤痕累累。七点左右已经好多人，睇到餐厅已经摆成Halloween布置，好彩仲有几张枱剩。太太order个传统吉列猪扒饭，我喜欢有汤汁，蛋汁煑炸猪扒就最啱我，两块猪扒都炸熟炸透，略为干身，好彩猪扒肉质好，咬落去好腍有肉味无柴皮，至于炸浆就干身无油冧冧，日本人做嘅炸浆有水准，食完唔会有油腻感觉。酱汁就有三种选择，紫菜，柚子及传统味，我钟意紫菜味同埋柚子味，传统味就比较偏甜偏酸，好似加左糖嘅Worcester Sauce，伴碟椰菜丝冰凉爽口，食完仲可以免费再加，我较喜欢同紫菜酱汁一齐食，配猪扒饭常合衬，至于面豉汤味道浓郁，仲有一只蚬，但系饮唔到有海鲜味，都算不过不失，唔会得个咸字。饭后仲有西瓜甜品同埋一杯玄米茶，西瓜同玄米茶就非常之一般，唯一可以讲嘅就系杯玄米茶够热。俾钱时发现此食店要收$9一位茶钱，几时食吉列猪扒会有咗去茶楼嘅规矩！
至于服务员有礼貌，又会跟客人沟通倾偈，唔会木口木面，服务小哥工作勤快满头大汗，真系辛苦晒。餐厅室内及枱面都清洁干净，唯一有问题嘅系佢哋嘅公用洗手间，新城市广场楼层越高就越缺洗手间，餐厅位处7楼，最近洗手间就系disable toilet ，要先通过数度走火门以及走火通道，未曾见过咁差嘅环境，地下布满食物渣滓以及严重积水，污糟邋遢兼臭味攻鼻，情况好似SARS以前深水埗后街后巷一模一样，今时今日难以想像仲有如此景象！唔小心跣低就大镬，随时要打破伤风针。话时话如果有disable人士用洗手间，情况难以想像！
张贴
