古早台居

营业中

休息中

喺旺角行街行到攰攰地又肚饿，就去咗T.O.P商场嘅地下food court揾嘢食，呢个food court环境几好，都几干净，野食选择都几多。见到呢间台湾餐厅有珍珠奶茶饮，今次就试吓佢。珍珠奶茶/黑糖珍珠紫薯鲜奶珍珠奶茶唔错，饮落去有茶味，而珍珠都有咬口。 而黑糖紫薯珍珠鲜奶好靓， 亦都几好饮，紫薯嘅香味再加埋浓郁嘅鲜奶，呢款饮品出边几少见，钟意紫薯嘅朋友可以试吓佢。盐酥鸡肉燥饭首先份量够大碗，盐酥鸡炸到脆卜卜，炸粉够晒薄，食落好香口。另外仲配上左喺台湾必食嘅肉燥饭，个人推介呢个。红烧猪软骨肉燥拌面肉燥拌面真系第一次食，佢嘅肉燥的确唔错，肥瘦适中再加上有香菇嘅味道，而红烧烧软骨系另外分开上，猪软骨嘅味道就正正常常。