影片
更多
2022-08-13
2012 浏览
自从食过1次苏妈之后，已经觉得唔错，可以再帮衬，知道佢喺沙田新城市广场新开另一副线Toss 苏妈·苏妈，一直都想去食。咁啱最近新城市广场有日本插画家Keigo嘅摆设打卡位，去影相就可以顺便食埋苏妈😃一贯嘅人龙店，去到餐厅门口已见到唔少人喺度等紧，好彩我一早已经摇距取票，等左阵就可以入坐。👍 苏妈·苏妈除左食物够吸引之外，佢嘅装修风格亦系我喜欢嘅卖点。呢间新店嘅装修好靓，啡色、墨绿色做主调，枱面嘅彩砖极具马来风，整洁、缤纷嘅色彩啱晒打卡影相。讲返嘢食，今日叫左一字骨肉骨茶($158)同海南鸳鸯烧面包($48)。其实本人好钟意食肉骨茶，但只系偏好星加坡肉骨茶多d，因为唔太钟意马来西亚肉骨茶嘅药材味。所以之前一直都无食过苏妈嘅肉骨茶，但睇过其他食评话呢度嘅肉骨茶药味唔浓，咁今日就即管叫嚟试吓真唔真。🥘细细个砂锅但好足料，有5件大小唔同嘅排骨、4件厚肉冬菇、3件豆卜、仲有枝竹同杞子。肉骨茶真系无浓重嘅药材味，反而肉味几香，容易入口。一字骨几腍，肉唔算嚡，点酱油食会有d甜味。最钟意系冬菇，细件但肉厚，索满肉骨茶嘅味道，咬开入口时尝到冬菇嘅香，混和肉骨茶嘅浓汤，好好食。🥪海南鸳鸯烧面包系因为相片嘅
咁啱最近新城市广场有日本插画家Keigo嘅摆设打卡位，去影相就可以顺便食埋苏妈😃
一贯嘅人龙店，去到餐厅门口已见到唔少人喺度等紧，好彩我一早已经摇距取票，等左阵就可以入坐。👍
苏妈·苏妈除左食物够吸引之外，佢嘅装修风格亦系我喜欢嘅卖点。呢间新店嘅装修好靓，啡色、墨绿色做主调，枱面嘅彩砖极具马来风，整洁、缤纷嘅色彩啱晒打卡影相。
讲返嘢食，今日叫左一字骨肉骨茶($158)同海南鸳鸯烧面包($48)。
其实本人好钟意食肉骨茶，但只系偏好星加坡肉骨茶多d，因为唔太钟意马来西亚肉骨茶嘅药材味。所以之前一直都无食过苏妈嘅肉骨茶，但睇过其他食评话呢度嘅肉骨茶药味唔浓，咁今日就即管叫嚟试吓真唔真。
🥘细细个砂锅但好足料，有5件大小唔同嘅排骨、4件厚肉冬菇、3件豆卜、仲有枝竹同杞子。肉骨茶真系无浓重嘅药材味，反而肉味几香，容易入口。一字骨几腍，肉唔算嚡，点酱油食会有d甜味。最钟意系冬菇，细件但肉厚，索满肉骨茶嘅味道，咬开入口时尝到冬菇嘅香，混和肉骨茶嘅浓汤，好好食。
一字骨肉骨茶
$158
30 浏览
0 赞好
0 留言
🥪海南鸳鸯烧面包系因为相片嘅啡色多士厚牛油所吸引。原来鸳鸯系牛油+咖央馅料，卖相好靓。牛油嘅咸香中和左咖央嘅甜腻，味道配搭出色，加埋香口嘅多士，好钟意呢个，成为下次必食之选。
影影吓相发觉，Menu嘅相像真度极高，好多时menu会见到一行细字 "食物相片只供参考"，但呢度嘅食物还原度极高。📸
张贴
