影片
更多
2013-08-19
252 浏览
食点心对香港人唔单止喺一种菜式选择，更喺一种高兴相聚嘅饮食文化，尤其一大棚人一齐去饮茶，想点就点，宁舍无拘束，轻松又自在，叫满一枱点心，有大有细，够晒阵势，令人睇得畅快，食得开怀！依家点心专门店开得多的是，无分早晚，咩时候都可以食点心，今晚，又再跟老友嚟试菜并开怀一番，有讲有笑叹点心，选址就晌中港城平台嘅「功夫点心」，好多人都话佢位置隔涉、偏僻唔显眼，哈哈，对小弟而言，就啱啱相反，因为小弟喺西铁线居民，由中港城行5分钟就到西铁柯士甸站，搭两个站就返到美孚！以往所去过嘅点心专门店都比较窄小，但估唔到功夫点心内在环境除咗装潢雅致外，空间非常宽敞阔落，配合墙边多组屏风镜饰，衬以柔和灯光，让人感觉不局限，挺舒服！虽然处于尖沙咀区，取价亦算合理，茗茶每位收$6（要加一）。点心纸有趣、有心思，成本武林小秘笈咁样，打开列晒所以点心款式及单价，一共有40多款，中英对照方便外籍人士，种类分为各式蒸点、黄金煎炸、即拉肠粉、生滚粥、煲仔饭、汤面、其他、原盅炖汤、甜品及饮品，部分红圈喺「功夫推介」，可稍加留意。如果啲种类改为招式名，例如：蒸点改为「神笼出蒸」，生滚粥改为「滚滚如来」（可能有啲夹硬），但就抵死得
以往所去过嘅点心专门店都比较窄小，但估唔到功夫点心内在环境除咗装潢雅致外，空间非常宽敞阔落，配合墙边多组屏风镜饰，衬以柔和灯光，让人感觉不局限，挺舒服！
虽然处于尖沙咀区，取价亦算合理，茗茶每位收$6（要加一）。点心纸有趣、有心思，成本武林小秘笈咁样，打开列晒所以点心款式及单价，一共有40多款，中英对照方便外籍人士，种类分为各式蒸点、黄金煎炸、即拉肠粉、生滚粥、煲仔饭、汤面、其他、原盅炖汤、甜品及饮品，部分红圈喺「功夫推介」，可稍加留意。如果啲种类改为招式名，例如：蒸点改为「神笼出蒸」，生滚粥改为「滚滚如来」（可能有啲夹硬），但就抵死得多；仲有就喺点心纸注明点心即叫即蒸，故制作需时（约10-15分钟），据了解店方所有出品都喺自家制，绝对唔用来货，目的就只喺为要保持质素。
原盅炖汤 $38由于两款炖汤都实在太正，虽然晌点心纸内位列尾角，又无列为「功夫推介」，但都想首要介绍佢哋，因为确喺值得推介！
鲜人参炖土鸡
瑶柱淮山鸡脚炖螺头
两款炖汤都好得，据介绍喺以原盅蒸炖成4粒钟，所以绝对够火喉，再者，稍稍捞起汤渣，足见真材实料无欺场，配以古色古香嘅紫砂茶壶盛汤，既典雅，又耐热。好睇唔好食喺无用架，但前者「鲜人参炖土鸡」参味强劲，未饮都闻到，汤色清澈不俗，味道带甘，清甜不腻；后者「瑶柱淮山鸡脚炖螺头」同样货真价实，瑶柱、淮山、鸡脚、螺肉尽见，汤味比炖土鸡更鲜甜，浓而不俗，是晚惊喜！
各式蒸点（$18-$28）功夫笋尖虾饺皇 $9/只（两只起）：叫得虾饺皇，虾嘅用料自然唔怠慢，以缅甸虾做馅，虾肉够大够多唔手软，口感几鲜爽，饺皮晶莹够薄身，软韧唔黏牙。
蟹子香菇烧卖皇 $9/只（两只起）：烧卖皇本身不俗，猪肉打得松化，内里又加有虾肉，蟹籽咬落啪啪声，要挑剔个人觉得香菇味未够突出啫。怀旧绵香马拉糕 $18：马拉糕独立个别咁做，所以呈半球体，且预先一开六，方便食用。口感确实松软，原来师傅将粉团先后发酵3日，所以有此效果，此外，味道清香唔错！
翡翠带子凤眼饺 $28：属最贵嘅蒸点，少少蟹籽做点缀，凤眼外型颇悦目，饺皮软绵烟韧，翡翠用上西芹，口感清爽，加埋虾仁、带子，故然鲜味好食。
黄金煎炸（$18-$28）酥皮香麻萝卜饼 $25：饼身炸得金黄有光泽，外皮香脆酥麻，满满芝麻香，再咬入啲带点柔韧。好可惜萝卜馅略为少，且萝卜味亦未够鲜明，作为「功夫推介」，感觉未如期望。
蒜香鲜虾长春卷 $22：长长嘅春卷以香槟杯盛载，春卷咬落唔油又香脆，虽然内里虾胶唔太多，但蒜香十足㖞！
凤凰煎糯米鸡 $25：依个煎糯米鸡称得店内创意招牌，见好多食评都有赞，所以点可以错过。糯米鸡喺晌中央工场预先做成半制成品，即叫即以慢火推煎，口感有趣，既有焦香脆口，又有糯米嘅烟韧，馅料就跟同食平常嘅糯米鸡咁，不愧喺店内最受欢迎嘅点心。
即拉肠粉（$24-$28）肠粉一共有4款：碧绿带子、韮菜原只鲜虾、翡翠叉烧及特级金菇牛肉肠，店方安排了后两者。
翡翠叉烧肠 $24
特级金菇牛肉肠 $24
肠粉皮拉得都够薄，但唔算好滑溜，但馅料落得无欺场，翠玉瓜搭叉烧稍为大路啲，反而个金菇配牛肉几特别。
生滚粥（$32）、煲仔饭（$29）、汤面（$38）类都无叫，因为感觉太饱肚，难以试到更多点心款式。晌甜品之前，再试埋两款其他类别。其他类别（$24-$34）
「其他」就等同杂项，难以分类所以摆埋一齐，价格幅度亦比较阔，由最平嘅红油抄手、浓汤北京水饺卖$24，到最贵嘅上汤云吞鸡及荷叶饭卖$34。
鲍汁凤爪 $32：一份约有5只左右，以鲍汁嚟扣凤爪，当然鲍汁味喺卖点，凤爪非常入味，又够晒软腍，唔错唔错！
鲍片鸡粒糙米荷叶饭 $34：荷叶饭唔会太大份，三几个人夹份食唔怕食唔晒，饭粒带有少少荷香，店家强调荷叶绝对唔会翻用，最得欢心喺加入埋少量红米嚟做，更感健康；配合埋鲍片、鸡粒，比起点煲仔饭有特色得多。
甜品（$18-$20）虽然喺点心专门店，唔喺糖水铺，都有4款甜品供应，小弟实属嗜甜之人，自不然大贪啲一次过想试晒4款啦，反正个肚已经预晒位食甜品架喇。
雪沙香芒卷 $20：直接啲讲，就喺香芒糯米糍，雪白嘅糯米糍外皮沾满椰丝，大大块芒果厚肉包在其中，睇落已经好吸引。一啖过成件放入口，感觉冰凉，又一口椰香，跟住就喺芒果嘅鲜甜，泰国芒果然正呀！
红映菊花卷 $18：斋睇名点都估唔到喺咩，但一上枱，啊！原来喺咁，酒楼常见嘅「菲林」芝麻卷嘅菊花版，入口先知原来喺热食，真喺惊喜再惊喜，菊花味极之突出，感觉清幽，又无过甜，怪不得大家都佢评价甚高。
鲜芒果布甸 $20：外表犹如平凡嘅芒果布甸，但亮点食落你就知，内里非常多新鲜芒果肉，香甜味美。
蜂蜜脆蛋散 $18：虽则蛋香味唔算好重，但脆口度无庸置疑，又唔黏牙，蘸上蜂蜜更添甜润。
总结一下，点心整体味道不俗，部分款式有惊喜，如炖汤、煎糯米鸡、甜品，当然亦有啲喺大路货式，普普通通，但总要照顾一吓唔同人嘅需要。作为止一止食点心瘾，功夫点心大可列入try list都食得过，况且佢哋分店唔少，港九新界都有。希望店方晌品质上继续努力，不断提升质素，使出更多真功夫！
张贴
