麵麵 (已結業)

今日同朋友一齐嚟到旺角呢一间面面， 其实我自己个人都好钟食面 尤其是钟意食一啲汤面同弹牙嘅面。 因为自己食得多日本拉面都闷，今日就想试下其他新款菜式。极品鱼宴料理: 呢个鱼面包括有鱼皮菜肉饺子、墨鱼春卷、 鱼肉春卷、鱼蛋， 咁其实呢一个面其他配料我觉得都几好味，但系我最钟意始终都系佢出名嘅鱼面，同埋佢个鱼汤 ，因为佢个鱼面我觉得都几爽口，几弹牙同埋个质感唔错 ，另外佢个汤亦都饮落好似几有营养 ，我感觉上真系好似吸收咗好多骨胶原咁。XO鸡翼拌鱼乌冬： 呢个系我朋友order嘅咁我试咗只鸡翼， 只鸡翼几好食，因为鸡翼皮香脆肉热，另外原来个鱼面配埋xo酱咁捞埋嚟食别有一番滋味辣辣地咁，所以感觉上唔错，如果钟意食辣嘢嘅朋友可以试下。Fish Nachos on the boat: 呢个鱼皮我觉得可以试，因为个鱼皮铺埋我最钟意食嘅牛油果加芝士，感觉上好似食紧pizza咁样但系其实食紧鱼皮，鱼皮都好香脆，所以如果你哋叫咗啲酒精类饮品，呢个𩠌酒其实我觉得几好。最后饮埋个冻水果红茶， 讲开又讲呢个红茶加埋啲水果饮我觉得都几fresh。饮完我同朋友就走噜。 如果大家钟意食面，大家可以试下呢一间。