Burgeroom (美麗華廣場1期) (已結業)

蜜味辣鸡翼，鸡翼本身大小只只都差唔多。外层脆卜卜有少少甜，好有蜜糖味，内层肉质相当入味鸡肉肉质又够滑。马苏里拉芝士条，外脆内暖，芝士咬落去能够拉到一丝一丝好有惊喜。入面有6条好够分。香脆鱼柳蛋汉堡，份量相当大，面包够松软。鱼柳肉质都几厚几滑，外脆相当松脆，芝士好浓味好易溶。我地2个人叫左一份汉堡包，加几款小食都够晒饱。鲜奶抹茶，黎到杯野系微温较容易入口。鲜奶比例较重，饮到一半先发现原来好足料，个底有好多抹茶粉，混合后抹茶味较浓口感更佳。蜜桃冰茶，出霍天气咁热，朋友就叫左冰茶。黎到冰凉透心解渴一流。