影片
更多
2018-11-19
24 浏览
十几年前去过一次土耳其，最深刻嘅就系当地嘅音乐同咖啡。每间食肆或商舖都会播住土耳其音乐，饮住咖啡，生活节奏唔太急促，当中静静地享受一个悠闲嘅下午。今次来到土耳其餐厅，由于系当地人打理，餐厅一桌一椅，都别具特色。餐厅食物质素高，可能好多人会以为土耳其野食未必啱香港人口味，咁就错了。今次叫左个二人餐，有汤、沙律、小食、意粉、甜品，仲包埋两杯饮品。土耳其小食— 薄饼配薯条。两大块薄饼好薄身，最唔钟意食厚身嘅皮，薄薄地比较易入口。薯条即炸，热辣辣，好香脆，仲加入红黄椒，配埋薯条一齐食，咸咸地又带有少少酸味，感觉几健康丫！另一款叫左蕃茄肉碎意粉，蕃茄味香浓，意粉质感咬落啱啱好，香草份量亦配搭得宜。肉碎令整碟意粉味道无咁寡，食落亦好有咬口。因为好好味嘅关系，如果份量可以再多啲嘅话，一定更加满足！甜品好有惊喜，上碟嘅系土耳其龙须糖，土耳其名为pishmaniye。系用白糖、面粉等材料一丝丝制作而成，好考功夫。入口即融嘅口感令人食极都唔觉饱，大人、小朋友都啱食。不得不提嘅系两杯饮品：土耳其咖啡同埋苹果茶。咖啡味道香浓，咖啡豆即叫即磨，然后加入少量brown sugar。土耳其咖啡一般唔会加奶，而糖可以
十几年前去过一次土耳其，最深刻嘅就系当地嘅音乐同咖啡。每间食肆或商舖都会播住土耳其音乐，饮住咖啡，生活节奏唔太急促，当中静静地享受一个悠闲嘅下午。今次来到土耳其餐厅，由于系当地人打理，餐厅一桌一椅，都别具特色。
餐厅食物质素高，可能好多人会以为土耳其野食未必啱香港人口味，咁就错了。今次叫左个二人餐，有汤、沙律、小食、意粉、甜品，仲包埋两杯饮品。
土耳其小食— 薄饼配薯条。两大块薄饼好薄身，最唔钟意食厚身嘅皮，薄薄地比较易入口。薯条即炸，热辣辣，好香脆，仲加入红黄椒，配埋薯条一齐食，咸咸地又带有少少酸味，感觉几健康丫！
另一款叫左蕃茄肉碎意粉，蕃茄味香浓，意粉质感咬落啱啱好，香草份量亦配搭得宜。肉碎令整碟意粉味道无咁寡，食落亦好有咬口。因为好好味嘅关系，如果份量可以再多啲嘅话，一定更加满足！
甜品好有惊喜，上碟嘅系土耳其龙须糖，土耳其名为pishmaniye。系用白糖、面粉等材料一丝丝制作而成，好考功夫。入口即融嘅口感令人食极都唔觉饱，大人、小朋友都啱食。
不得不提嘅系两杯饮品：土耳其咖啡同埋苹果茶。咖啡味道香浓，咖啡豆即叫即磨，然后加入少量brown sugar。土耳其咖啡一般唔会加奶，而糖可以选择加或者唔加。选择左加糖之后，就会系冲咖啡个刻加入，而唔会冲完先另加。制作完成之后，一杯香喷喷嘅土耳其即磨咖啡就诞生！冲呢杯咖啡可以话系一门艺术，少一个步骤都会影响咖啡嘅「色、香、味」。
而苹果茶味道香甜，冲嘅过程唔一定使用真正嘅苹果制作，好多时候都系采用苹果香气或汁嘅精华，加入茶之中，味道祟尚自然。最后要赞一赞嘅系餐厅嘅服务真系唔错。由选餐到埋单都好有礼貌，餐厅经理会主动同你讲两句，又会比返适当嘅空间客人，钟意自成一角又得，钟意热情嘅款待又得，的确系顾客至上。
张贴
