Ufufu Cafe (已結業)

今晚同朋友book 左Ufufu Cafe 食 Dinner，但点知去到话冇留到位，原来系个职员唔记得mark 低，不过都一场来到，唯有等一阵再入坐。餐牌款式几多下，不过大家都想饱肚D，所以都只系叫左正餐。牛油果大虾凯撒沙律 - 分量充足，而且都用料新鲜，味道唔错。豆腐博多明太子 - 明太子分量比想像中多，加埋豆腐口感都唔错。焗酥皮粟米汤 + 沙律 - 可以加$38跟餐有焗酥皮粟米汤同沙律，味道正常。日式肉汁蛋包饭 - 肉汁加上蛋汁鲜嫩，加上淡忌廉的浓郁乳香，吃起上来有软滑的口感，相对好味。汉堡扒咖喱饭 - 汉堡扒都几厚下，但中间位又唔会整到唔熟都确系劲，味道都可以，但个咖喱都几浓味下，比一般日本甜咖喱来讲咸左D。九州风海鲜蕃茄汁意粉 - 朋友觉得蕃茄汁太多太稀，但海鲜都正正常常。整体而言，食物质素可以接受，而且分量都合理，反而下次来应该试下甜品。