Uncle Tetsu's Cheesecake (已結業)

来自日本九州、已有廿多年历史嘅日式芝士蛋糕店Uncle Tetsu’s Cheesecake晌铜锣湾开业初期，差唔多要排一个钟队先买到蛋糕，仲系每人每次限买一个。近月佢哋晌旺角开咗另一间分店，唔知系热潮冷却，抑或尚未有知音人知道，当日竟然唔洗排队，同旁边堆满人嘅新开面包店可谓相映成趣，又可能我遇上人流少嘅时间啦。听闻蛋糕晌店内新鲜焗制，亦听唔少人话买蛋糕𠮶阵仲有余温。但当日佢哋已经预先将几个蛋糕放入纸盒同纸袋，估计出炉咗一段时间。话说回来，佢哋嘅纸袋都几可爱，拎起手晌街行时引来唔少途人目光，盒子设计亦方便保存，仲用咗类似不织布蛋糕纸包裹，防止湿气沾染蛋糕影响食感。原味芝士蛋糕，买返去后我直接放晌室温，绵软得唔洗咀嚼，入口即溶，呢种质感令我谂起某店嘅半熟芝士蛋糕，不过呢间芝士味比较轻，反而颇富蛋香，我一口气食四分一以上都唔觉腻。第二日放咗入雪柜，质感就变得比之前硬身，食完会有阵牛奶余香，同一个蛋糕晌室温或冷藏后食，会有两个唔同口感。唔洗六十蚊买到直径18cm嘅过江龙芝士蛋糕，价钱算系同类型产品中嘅便宜水平。呢次买嘅蛋糕虽然唔系新鲜出炉，但味道同质感仍算唔错。我觉得室温嘅味道较优胜，惟偏好