麻布十番 (已結業)

两个几月无食到寿司，趁今日同老公黎元朗，都要揾间黎食下先得．铺面唔系好大，所以就限每枱客80分钟时间．两位女服务员忙过不停，但亦都会主动向食客加茶．全日免收加一．鸡软骨：炸到金香可口，好有咬感．鳗鱼饭定食：估唔到会咁大碗，鳗鱼5片，虽则有少少软骨但食落都OK酱汁味都几好，椰菜，粟米．面豉汤－我个人认为淡左少少，饮落有ｄ口干．三文鱼刺身（九件）：卖相唔讨好，或者可以话系无添加色素．食落都有ｄ鱼既甜味，无筋．软壳蟹卷（八件）：ｄ饭握得唔实，一夹就散，喱样需要改善．蟹子沙律：蟹柳少少，椰菜条多多，蟹子亦多多，超大碗．