US813 (已結業)

今日 4月20日，复活节假期第二天， 去咗屯门华都商场2楼， 一间叫做us813西餐厅小店， 听闻呢间口碑唔错，同埋都好多人食，唔知系咪lunch time, 见d 客走左又有新客入，不停有客，所以决定试下佢。 呢间舖比较简朴 大概有十张木枱 四人二人枱都有 枱面系完全冇摆设嘅 去到坐低佢自然畀餐睇你， 主要都系做意大利意粉意大利饭 好多唔同款式嘅食品选择。 我坐低后就拣咗个蕃茄海鲜意大利粉$72 + 意大利特浓咖啡(2 shot) $28，但系呢区黎讲就略贵，因为无set 餐，全部散叫，下次可以再试下其他。** 蕃茄海鲜意大利呢碟意粉有3件蚬，3虾，2墨鱼圈，份量都算唔错，但觉得太湿，太多水汁，虽然系咁，但个汁好好味，食到有香料味道，真系好正， 如果真系自己调教，就真系无得顶。有点可惜系d虾食落霉霉地，唔系爽身果只，d蚬有d 味，整体真系唔差， 如果屯门区嚟讲，真系唔错。，意大利特浓咖啡 就无咩特别，一般啦