稻埕飯店 (V Point) (已結業)

稻埕一听个名就知道系台湾菜，但佢嘅菜式食材配搭几有创意，加上喺卖相同摆盘上都好花心思，又有唔同cocktail，今晚约埋朋友一齐去试试～先叫饮品，台湾凤梨咁出名，我就叫咗杯「Pineapple Paradise」，以冧酒做底，味道有层次，冇药水味，酒味唔会太重，用嚟做餐酒唔错。朋友叫咗最打卡嘅气球小女孩，店员一送上呢杯cocktail 大家即刻自动自觉开手机拍片😂😂😂 气球好得意，如果唔咁快笃爆佢就仲正～前菜先叫个话梅小山药开开胃，淮山切到细细粒，爽爽地几好食～重头戏系佢嘅九孔鲍鱼，我地都系冲住呢个而嚟，白卤水味道啱啱好，鲍鱼大只又唔韧，仲有块索汁嘅、类似甜不辣嘅豆制品垫底，好正～食完冻嘢就饮返个热汤，有四个蛋白泡泡球嘅蟹肉脆米金汤玩味十足，我地四个人一人有一粒波波，一咬落去即刻融化，好得意～主菜方面叫咗盐酥波士顿龙虾脆角豆金瓜、黑松露鲜白合花同埋铁板香煎一口鹅肝牛小排，龙虾系一口大细，有八粒好易分，啲蔬菜片全部烘到劲脆，调味出色；黒松露白合花味道似薯蓉，呢个干燥天气食白合止下咳就啱晒；鹅肝入口即溶，牛小排都唔韧，盘边有半熟蛋好有韩式feel。最后叫埋个八斗子炒饭，非常足料，加埋肉松甜