L'Eclair de Genie (已結業)

由于我喺Vcity中庭嘅poo up store买，openrice冇资料，所以mark落呢间分店。之前喺太古分店买过一条，觉得味道唔错，但又觉得太贵，所以一直冇再买。唔知系咪过年前做优惠，所以当日系买3送一，师奶仔即买啦！Cassis Marron $48花多眼乱之下，以颜色鲜艳作为考虑，拣左两条果味~第一条系黑加仑子，面头系果皮、栗子干。咬开泡芙，会食到黑加仑子酱，主要系酸味，个人唔太喜欢。Passion $38第二条系热情果，纯粹为影相，觉得黄黄地抢眼啲。哇，以为黑加仑子酸啦，热情果味呢条酸到我眼都打唔开…泡芙流心！如果钟意食酸嘅甜品(?) 先好试~Salted Butter Caramel $38果然都系招牌味道最稳阵，价钱又平啲。外层焦糖加上朱古力脆脆，狙击我口味！泡芙柔软，中间有滑溜嘅海盐焦糖忌廉，咸咸甜甜，好食！Tiramisu $45唧喺面头嘅忌廉绵滑，外面都系泡芙，但里头有啲似食紧蛋糕，几松软，整体不俗。要我正价买四条风一般嘅泡芙又唔舍得，搞少少呢类优惠，我咁就满足XDD个人比较喜欢后面两条，承受唔住果味嘅酸。