影片
更多
2014-09-08
1635 浏览
早前出席过Venchi中环新概念店开幕所搞嘅开幕活动，试咗多款朱古力、意式雪糕及咖啡出品，让小弟有个滋味超满足嘅下午，除意式雪糕外，其他产品都甚感舆趣。炎炎夏日真喺叫人做起事嚟都散慢啲，一杯冰凉冻饮可以让人闷热全消 。有关Venchi嘅历史、产品特色、种类……，上次食文都分享过，所以今次就唔多提，单刀直入讲「味道」。 Venchi Frappe (Mango) $48 Venchi Frappe有芒果及士多啤梨味，唔好意思，又喺要芒果，因为钟意芒果多啲。基本上，Frappe其实就即喺奶昔，而Venchi Frappe用上店中芒果味意式雪糕嚟做，仲加入少少芒果果肉一齐打，唔单止质感绵滑，芒果味香甜自然，富奶香，又带有少少果肉，更喺冰冻可口 ，的确喺消暑良伴，不过，就要乖乖付上48大洋。 怀旧书型鱼子酱礼盒 $228依「本」小礼盒喺上次到访时嘅礼物，让朱古力嘅美味可以带返屋企，就顺道分享埋依个设计别出心裁嘅小礼盒产品。内里收纳咗6粒共3款味道嘅「朱古力鱼子酱」，何谓「朱古力鱼子酱」？依个又喺店中招牌朱古力之一，据介绍，喺采用多种中美洲至南美可可豆及75%可可粉以人手新鲜制作而
有关Venchi嘅历史、产品特色、种类……，上次食文都分享过，所以今次就唔多提，单刀直入讲「味道」。
Venchi Frappe (Mango) $48 Venchi Frappe有芒果及士多啤梨味，唔好意思，又喺要芒果，因为钟意芒果多啲。基本上，Frappe其实就即喺奶昔，而Venchi Frappe用上店中芒果味意式雪糕嚟做，仲加入少少芒果果肉一齐打，唔单止质感绵滑，芒果味香甜自然，富奶香，又带有少少果肉，更喺冰冻可口 ，的确喺消暑良伴，不过，就要乖乖付上48大洋。
怀旧书型鱼子酱礼盒 $228依「本」小礼盒喺上次到访时嘅礼物，让朱古力嘅美味可以带返屋企，就顺道分享埋依个设计别出心裁嘅小礼盒产品。
内里收纳咗6粒共3款味道嘅「朱古力鱼子酱」，何谓「朱古力鱼子酱」？依个又喺店中招牌朱古力之一，据介绍，喺采用多种中美洲至南美可可豆及75%可可粉以人手新鲜制作而成嘅朱古力粒，无论手功、用料，都喺精益求精，当然，朱古力无鱼子酱啦，只喺面层沾满粒粒烤烘过嘅可可豆碎粒，貌似鱼子酱啫 。
Crème Brulé（红色） 3款味道其实都好好食，不过以依款Crème Brulé最得我欢心，无他嘅，焦糖软心馅绝对喺小弟「卖飞弗」，焦糖嘅独特浓香，虽然甜腻，但唔喺得个死甜，而喺有份焦香；而包住焦糖嘅应该喺牛奶朱古力，晌口内慢慢溶化，混和焦糖软心，好有一种特别嘅甜蜜 。至于，表层烤烘过嘅可可豆碎粒，沾满整个外层，可可味好浓郁，口感有少少脆身，令整粒朱古力都变得更有趣 。
Crèam Cacao（金色） 以榛子酱代替焦糖成为馅心，都喺配以牛奶朱古力、烤烘嘅可可豆而成嘅组合，虽然味道、口感一啲都唔差，不过，榛子味唔算突出，3者中就未免显得比较普通少少，缺乏一点点个性。
75%（黑色） 依粒75%老婆超赞，其实黑朱古力小弟都啱，的而且确，馅心嘅纯黑朱古力真喺好醇厚，甘苦味恰到好处，慢慢溶在口中而轻轻带出回甘，认真顺滑令人回味 。
食朱古力，会令人感到开心快乐，仲要食咗几款咁高质又咁有心思嘅朱古力，更加开心不过！Venchi，值得揾次再试 ！
张贴
