Lagom Kaffe (已結業)

朋友系咖啡控，话呢一间咖啡好唔错，就来饮下先 🤣 我偏向小朋友口味，所以饮左iced mocha, 咖啡味系后调，朱古力味一入口好香滑，旁边挂杯嘅朱古力酱令到杯野饮放耐左都唔会变淡，但如果用番玻璃杯会更环保呢～佢仲有自家咖啡卖喔！但因为怕技术唔到家冲唔到，所以都系来呢度饮算了🤣🤣🤣餐包系自家出品，口感偏欧式硬身有口感，牛油系用心再搭配左香草，怕肥嘅我都忍唔住成块牛油茶满满呢！另外用于当日意粉无晒😭 （我系意粉控！）所以叫左夜市酥炸海鲜，估唔到份量咁大🤣 入边有虾有鱼有鱿鱼，仲有炸洋葱同豆 ，炸洋葱超级香！配上蛋黄酱好开胃！两个人都差啲食唔晒，一个人千其唔好挑战！鱼肉虾肉每一旧份量都好足料，虾肉大只弹牙，炸鱼外脆入面仲软嫩多汁，唔会话因为系炸野就干巴巴，外皮轻盈唔会好油腻。主食叫多左个干贝熏鲑芦笋炖饭，干贝系主角，三粒厚肉大大只，一咬入口入面微生嘅鲜嫩感，出面焦香，好有带子鲜味，爽弹唔会腥，三文鱼份量就比较少，味道因为熏制过所以较重口味，咸香味好配饭，炖饭好正宗，感觉到系正宗生米煮出来，饭身偏硬，唔系出面餐厅熟饭加汁煮，忌廉奶味重而唔咸，唔错之前食过伯爵茶芝士蛋糕，好想食云呢拿芝士蛋糕，