影片
更多
2014-01-03
446 浏览
Waffles 可以话系近一、两年香港最大热既食物之一，唔少cafe或食店都有售卖waffles 甚至开设专门店卖waffles。其实waffles 主要比利时式同美式，比利时式都有分两种，Belgian waffle同Liège waffle 。Belgian waffle，waffle既饼身会较厚，格仔会较Liège waffle大啲。而Liège waffle，源自比利时其中一个城市--Liège，体积较Belgian waffle细，实身啲同埋因为有caramel所以令到呢种waffle有少少甜。美式waffles 格仔系细过比利时既waffles，而且更薄身。而呢间WAFFFLE! 就主打售卖正宗比利时既waffles。店铺位于嘉咸街，一提起嘉咸街，大家会谂起啲咩？『嘉咸横街中，大宅门里，百态混聚，共冶出生趣。』我就谂起香港歌手谢安琪歌曲入面既呢一句！嘻嘻 嘉咸街其实好易去，如果大家识去结志街某一间十分出名既茶餐厅"兰xx"的话，喺呢间茶餐厅一路向前行第二条横街转左上去就会到WAFFFLE!。WAFFFLE!门面一入到去WAFFFLE!，大家会见到有唔少半熟既waffle
而呢间WAFFFLE! 就主打售卖正宗比利时既waffles。店铺位于嘉咸街，一提起嘉咸街，大家会谂起啲咩？『嘉咸横街中，大宅门里，百态混聚，共冶出生趣。』我就谂起香港歌手谢安琪歌曲[最后晚餐]入面既呢一句！嘻嘻 嘉咸街其实好易去，如果大家识去结志街某一间十分出名既茶餐厅"兰xx"的话，喺呢间茶餐厅一路向前行第二条横街转左上去就会到WAFFFLE!。
WAFFFLE!门面
一入到去WAFFFLE!，大家会见到有唔少半熟既waffles 喺热炉上存放住等客人order。Pre-made waffles
当有客人order waffle既时候，店员就会将本身半熟既waffle 再翻热。WAFFFLE!主要售卖三款waffles。第一款系the Classic ，(即系传统比利时 Liège waffle)，第二款系the Wafffle! Devil (用上比利时朱古力fill左喺waffle入面)，仲有一款就系每周精选。Toppings
大家可以喺waffles 上面加toppings，加一款toppings 就加$5，加两款toppings 就加$8，而如果你贪心啲想加晒所有toppings 既话，可以加$15。Toppings 既选择有whipped cream，nutella，chocolate chips，strawberries，kiwi fruits，banana，Belgian speculoos biscuits， crispy balls 同 cookie crumbs等。店员几有礼貌，而且会每种toppings都会有介绍。Nutella
Nutella 呢款朱古力味浓既朱古力酱相信全球拥有大批fans，而WAFFFLE!店内有唔少好大樽既 nutella 摆放，真系望见都兴奋！ 店内墙身
店内面积唔大，大约有7个位，入面墙身几特别，因为系一块白板，比你任意涂上自己想写既字或者图案。Wafffle! Devil + all toppings ($28+15)
我叫左Wafffle! Devil加晒所有toppings，系咪好震撼既感觉？ Wafffle! Devil 其实系waffle 入面加上了比利时朱古力，朱古力味其实几浓。呢度既生果toppings，例如banana，kiwi fruit同strawberries都几新鲜，crispy chocolate balls同cookie crumbs都 好脆口，whipped cream 好smooth好滑，各款配料都唔错而且有佢独特既一面。Waffle 标榜系比利时正宗waffle，呢款确实系几正宗，属于Liège waffle，waffles外层几脆身，入面就几chewy 同埋密度几高，味道上waffle本身系几甜，加上朱古力既香浓，味道系唔错。有啲人认为waffle呢种少少湿润加上chewy系成个waffle 根本未熟既感觉，有啲人就认为咁先够正宗。我个人认为确系有少少未熟透既感觉，但算系香港较贴近比利时waffle 水准既一间。当然，比利时正宗waffles 好食得多啦，而喺香港嚟讲，质素算唔错，waffles既外脆内软加上朱古力味浓拉番唔少分。
唔同人对于呢间既waffles评语都未必会相同，有啲喜欢美国waffles既人，会觉得唔好食。有啲比利时waffles 爱好者，又会认为未够正宗。钟意食港式格仔饼既人，又会可能认为呢间waffles 唔够格仔饼咁平咁地道。俗语有云：『咸鱼青菜，各有所爱。』任何人对于喜爱既标准都唔同，每个人亦有自由权利发表自己意见，咁先系呢个社会宝贵既地方。
张贴
