夏雪 (已結業)

.夏日热辣辣，今次去食waffle，waffle控必睇同分享。.去大围食夏雪，佢位于积富街，大部分美食都系果条街，唔难揾嘅。店内墙身有啲sketches同posters，简单得黎又几舒服。.依间甜品舖有好多口味，例如绿茶、紫薯、朱古力、杂莓、黑芝麻、伯爵...重有好多饮品。今次食依个魔鬼窝夫其实够两个人一齐食。摆得靓之余，waffle算系厚身，唔会太软太硬，而且朱古力味都几够。心太软浓厚嘅朱古力，为成个甜品起左加乘嘅作用！真系perfect match！另外心太软够晒流心，一用叉吉落去入面嘅浆就流晒出黎，仲有雪糕都好软滑。下次会再去食。