影片
更多
2021-10-28
2988 浏览
我一直都有听过「慢理墙城」呢间餐厅，之前仲试过想同朋友喺度庆祝生日，但周末实在太难订位，所以放弃咗😭。最近同事话请我食Farewell饭，于是我就直接提出嚟呢度。我哋今次有预早订定枱，但估唔到平日晚上嚟食都要八点半先有位，真夸张😳。但上到去就明白了，因为餐厅面积唔大。我哋要等其他客人离座先入得，不过店员非常有礼貌作解释，无问题啦。呢度环境确系几靓，就好似闹市中嘅绿洲🌴，适合打卡，冇令人失望。餐厅主打西餐菜式🍽，有齐沙律、小食、肉扒、意粉、意大利饭同甜品等。价钱属中等水平，不过上菜后，我会改口为抵食👍，皆因佢系美式份量，超级大份！牛油果水牛芝士蕃茄波波沙律配柚子黑醋汁($108)，🥗沙律分成两部份，其中有一边系沙律菜，啲菜几新鲜嫩绿。酱汁分开上，黑醋汁中混入柚子，令味道变得特别，又无咁酸。另一边厢就系牛油果🥑，佢将中间粒核挖出嚟后，再酿入水牛芝士同车厘茄，成个组合几夹，而牛油果本身又够熟，所以肉质软软的。烟三文鱼流心蛋大啡菇($98)，🍄大啡菇一客有两只，造型都几澎湃。大啡菇由几层组成，当中包括流心蛋、烟三文鱼同焗芝士。🥚流心蛋被笃穿后，流出蛋汁，令大啡菇变得唔干身。烟三文鱼亦有花上心思
我一直都有听过「慢理墙城」呢间餐厅，之前仲试过想同朋友喺度庆祝生日，但周末实在太难订位，所以放弃咗😭。最近同事话请我食Farewell饭，于是我就直接提出嚟呢度。
我哋今次有预早订定枱，但估唔到平日晚上嚟食都要八点半先有位，真夸张😳。但上到去就明白了，因为餐厅面积唔大。我哋要等其他客人离座先入得，不过店员非常有礼貌作解释，无问题啦。呢度环境确系几靓，就好似闹市中嘅绿洲🌴，适合打卡，冇令人失望。
餐厅主打西餐菜式🍽，有齐沙律、小食、肉扒、意粉、意大利饭同甜品等。价钱属中等水平，不过上菜后，我会改口为抵食👍，皆因佢系美式份量，超级大份！
牛油果水牛芝士蕃茄波波沙律配柚子黑醋汁($108)，🥗沙律分成两部份，其中有一边系沙律菜，啲菜几新鲜嫩绿。酱汁分开上，黑醋汁中混入柚子，令味道变得特别，又无咁酸。另一边厢就系牛油果🥑，佢将中间粒核挖出嚟后，再酿入水牛芝士同车厘茄，成个组合几夹，而牛油果本身又够熟，所以肉质软软的。
烟三文鱼流心蛋大啡菇
$98
64 浏览
0 赞好
0 留言
芝士焗黑松露薯条
$98
86 浏览
0 赞好
0 留言
明太子蟹肉扁意粉
$158
49 浏览
0 赞好
0 留言
我哋冇嗌饮品，但餐厅有提供水，所以唔使担心。而佢提供嘅水并非普通开水，而系呈紫蓝色嘅蝶豆花柠檬水💜。餐厅就连呢部份都有花心思，不过孕妇就要留意吓饮唔饮得。
总括嚟讲，餐厅各方面都令人满意，其实甚至可以用高水准来形容。食物味道好，份量又够多，适合一班人嚟聚会，不过记住要订定枱啊😉。最后，店员们嘅服务态度亦系值得再次表扬，佢哋全部都好专业，亲切有礼，比起高级餐厅有过之而无不及。WALL is Quality🧱，慢理墙城就系高质素！
张贴
