Sense Cafe (已搬遷) 新店位置

sense呢间cafe系如果可以Lunch食12点先可以食到，因为佢12点一开门基本上好快就会满座，要等位先有得食。对于我哋呢啲唔够时间食个简单午饭再跳落维港游45分钟水嘅上班一族，如果要食要等位嘅餐厅，基本上要系一坐低就有得食再可以用5分钟食完先可以谂，所以我哋通常都会食12点嘅时候先会狗冲过来食。佢嘅weekday lunch menu系好抵食，价位由$65至$95，有超过十个选择，猪牛羊鸡鱼海鲜通通都有得拣，选择较哂全面。我哋叫咗泰式香茅烧春鸡、香煎鲭鱼柳配日式鳗鱼汁、蒜蓉汁香煎厚猪扒饭、蒜香白酒鲜蚬扁意粉、菠菜忌廉蟹肉扁意粉、蒜香烧羊架伴饭。特别推介个烧羊架，$82有三大件羊架，烧得好香口，羊肉都好淋身入味，钟意食mint jelly嘅话就一定要问老细攞多碗Mint jelly先够喉!如果唔想太heavy,可以考虑菠菜忌廉蟹肉扁意粉，蟹肉份量都好多，菠菜又中和返忌廉嘅滞，但唔好睇佢份量好似好少，一个正常食量女仔系食唔晒架。基本上每个lunch set都包餐汤同饮品，所以都好饱好抵食。