影片
更多
2021-04-21
4392 浏览
我对观塘The Wave大厦并唔陌生，因为呢度有唔少餐厅，之前嚟食鸡煲多，但天气开始热，所以都想转转口味。呢晚我哋就转场过咗隔离嘅🍽西餐厅「Mini Friday」，好彩有订枱，有88折之外，仲确保唔使等位，估唔到平日晚都咁爆场。餐厅有做晚市套餐，由$168至$258不等，有齐前菜、汤、主菜以及加$1有甜品，其实几丰富，不过我想食嘅不在此列，唯有散嗌🙈。主菜单选择几多，有薄饼同小食等，价钱就中矩中举啦。餐前小食系墨西哥脆片配芝士酱🌮，脆片好松脆，芝士酱好浓，夹埋食好正，仲要系免费㗎。芝士温泉蛋焗牛脷薯粒($108)，呢个小食一啲都唔小，热锅上放满牛脷粒同薯仔，上面再铺芝士拎去焗，热辣辣送上不得了，🧀芝士拉丝效果好澎湃！薯粒其实好大粒，应该系新薯嘅一半，🥔夹夹埋埋可能有成十嚿，食完呢碟已经饱咗七成。牛脷细细粒，口感好淋👅，食落有啲似午餐肉味🤣。明太子忌廉带子手卷粉($148)，明明有DIY Pasta餐嗌，我都唔要，系因为明太子酱同手卷粉实在太吸引😍。酱汁超浓超Creamy，不过无乜明太子嘅辣味，手卷粉造型有啲似长通粉，但系冇封边的，口感则非常有嚼劲，兼且好挂汁。𩠌料有三文鱼子同三大粒带
我对观塘The Wave大厦并唔陌生，因为呢度有唔少餐厅，之前嚟食鸡煲多，但天气开始热，所以都想转转口味。呢晚我哋就转场过咗隔离嘅🍽西餐厅「Mini Friday」，好彩有订枱，有88折之外，仲确保唔使等位，估唔到平日晚都咁爆场。
餐厅有做晚市套餐，由$168至$258不等，有齐前菜、汤、主菜以及加$1有甜品，其实几丰富，不过我想食嘅不在此列，唯有散嗌🙈。主菜单选择几多，有薄饼同小食等，价钱就中矩中举啦。
餐前小食系墨西哥脆片配芝士酱🌮，脆片好松脆，芝士酱好浓，夹埋食好正，仲要系免费㗎。
芝士温泉蛋焗牛脷薯粒($108)，呢个小食一啲都唔小，热锅上放满牛脷粒同薯仔，上面再铺芝士拎去焗，热辣辣送上不得了，🧀芝士拉丝效果好澎湃！薯粒其实好大粒，应该系新薯嘅一半，🥔夹夹埋埋可能有成十嚿，食完呢碟已经饱咗七成。牛脷细细粒，口感好淋👅，食落有啲似午餐肉味🤣。
明太子忌廉带子手卷粉($148)，明明有DIY Pasta餐嗌，我都唔要，系因为明太子酱同手卷粉实在太吸引😍。酱汁超浓超Creamy，不过无乜明太子嘅辣味，手卷粉造型有啲似长通粉，但系冇封边的，口感则非常有嚼劲，兼且好挂汁。𩠌料有三文鱼子同三大粒带子，带子系刺身级，又大又肥，仲好鲜！
皇牌威灵顿牛柳($298)，威灵顿牛柳卖呢个价钱其实算平，份量仲要非常大件。酥皮外层焗得几靓，内层就涂上黑松露，所以好香，不过我略嫌有少少湿。🥩牛柳方面，生熟度控制得宜，肉身呈浅红色，肉质嫩口易咬，牛味亦都浓郁🐮，净系食呢件牛已经令人满足。配菜方面，有薯蓉同三笋：甘笋、露笋同珍珠笋，份量相对牛扒少，哈哈。
薄荷特调(无酒精)($88/Jar)，餐厅提供嘅饮品预咗一班人饮🍹，所以以一榨榨为主，多人更可以叫XL。我呢款Mojito系用上薄荷🌱、青柠、糖水同梳打制成，饮落感觉清新，但又有啲似七喜。
总括嚟讲，我哋真系食到好饱，饮饱食醉后更觉得今晚系星期五Happy Friday🥳。呢度嘅食物出品好大份，多啲人Share食更为适合。环境方面，餐厅座位多，客人亦算坐得舒服。唔知疫情过后系咪会有Live Music听呢？
张贴
