La Mensa Grill & Bar (Plaza 88)

营业中

休息中

午餐包前菜、主菜、餐茶，可另加$20要是日甜品。前菜三选一，是日汤品、水牛芝士沙律、自家制肉丸，要咗汤同沙律。是日汤品系 seafood soup，饮落系蟹肉蕃茄忌廉汤，蟹肉（不是仿蟹柳）比预期中多，蕃茄忌廉汤稀杰度适中，味道微酸，不错。水牛芝士沙律，沙律菜新鲜，车厘茄爽甜，水牛芝士滑但味淡，配埋黑醋汁，酸酸甜甜，十分开胃。意式芝士烤鸡扒（$125）烤鸡扒几大块，面包糠好薄，烤得十分香脆，零油腻，鸡肉软嫩。鸡扒上面舖上茄蓉及芝士，味道唔算浓郁。一刀打直切开，一啖有齐芝士（拉丝）、茄蓉（清爽）、鸡肉（脆口+软嫩），多重口感。配菜有即炸薯条，洒上少少辣粉，香口惹味。黑松露蘑菇薄饼（$125）廿零分钟上枱，约10吋大，预切八块。未食已经闻到好香嘅菇味，食落菇味更浓。薄饼饼底松软得嚟又有𡁻口。薄饼配料只有三样嘢，芝士、蘑菇、黑松露酱，虽然如此简单，但味道亦十分出色，热辣辣即焗嘅 pizza 没有难吃的理由。热咖啡，微苦带微酸，奶系热的（加分）。