影片
更多
2015-11-15
403 浏览
住开呢区，闲日都有黎食过几次粥，觉得味道不错。今晚星期日特登约埋父母来试小菜。六点钟，门口已经好多人，5人位需要等9张枱。不过系假日，所以都明白既。但估唔到呢餐饭，食到我要开account俾负评！等位安排，差！等左一个钟，终于叫到我地前一个号码, 我地问，下一张5人仲有几耐？职员话“执紧枱，2分钟” 点知等多成十分钟都唔叫我地，仲开始叫之后的 number?? 忍唔住问佢咩事，佢话“唔好意思，以为你地系7人枱，你地果张未有”！ 我地有大肚婆有老人家，好难得系商场揾到位坐，你唔好咁玩人丫…？插曲：佢叫号码一般都系叫两次，冇人就下一个。 但唯独有一个号码, 不停叫左6，7次都继续叫，非常奇怪？！楼面阿姐，极差！刚坐低，阿姐执位，茶竟然是随手从隔离枱拎来，唔系水吧即冲？虽然以温度同颜色黎睇，我地既茶应该都系刚冲好无耐，但咁样做，感觉认真麻麻！到落单，我地讲number, 阿姐话，“你讲菜名，号码我唔识听”， ok, 打算讲名时，阿姐留意到原来我地有写低想点既菜，佢一手就拎起张纸，睇完竟然好差语气咁话 “你唔可以咁写！！你讲多次呢D系咩” 下…？ 原来佢意思系，我地照menu写系“唔啱”， “
今晚星期日特登约埋父母来试小菜。六点钟，门口已经好多人，5人位需要等9张枱。不过系假日，所以都明白既。
但估唔到呢餐饭，食到我要开account俾负评！
等位安排，差！
等左一个钟，终于叫到我地前一个号码, 我地问，下一张5人仲有几耐？职员话“执紧枱，2分钟” 点知等多成十分钟都唔叫我地，仲开始叫之后的 number?? 忍唔住问佢咩事，佢话“唔好意思，以为你地系7人枱，你地果张未有”！ 我地有大肚婆有老人家，好难得系商场揾到位坐，你唔好咁玩人丫…？
插曲：佢叫号码一般都系叫两次，冇人就下一个。 但唯独有一个号码, 不停叫左6，7次都继续叫，非常奇怪？！
楼面阿姐，极差！
刚坐低，阿姐执位，茶竟然是随手从隔离枱拎来，唔系水吧即冲？虽然以温度同颜色黎睇，我地既茶应该都系刚冲好无耐，但咁样做，感觉认真麻麻！
到落单，我地讲number, 阿姐话，“你讲菜名，号码我唔识听”， ok, 打算讲名时，阿姐留意到原来我地有写低想点既菜，佢一手就拎起张纸，睇完竟然好差语气咁话 “你唔可以咁写！！你讲多次呢D系咩”
下…？ 原来佢意思系，我地照menu写系“唔啱”， “梅羔酱烧骨” 要写成 “烧骨”！！但当我地口述order, 讲全名佢又明架㖞？what the.....? 而家你系职员定我系职员？？
(部分）小菜份量，奇差！
榄菜肉松四季豆，$62，但份量连$30都不如，少得可怜，好似有人食过咁！我可能见识少，真系未见过咁夸张…叫个似系经理既职员过来问，佢满口乡音咁话“我地d份量系set 左…” ………但我平日黎食过，唔系咁少啰…
梅羔酱烧骨，$72， 得6件…味道ok既，但，唔系好味到值十几蚊一件…
咁公平讲句，其他菜（鱼，蚝饼，粥）份量系正常既，味道都ok.
上菜速度，差！
叫几个白饭，叫左3次先黎…等到d菜都凉晒…
蚝饼又系食晒其他菜，差不多15分钟先来。可能weekend 真系太多人？
总结：
茶记格局，茶记service，中上餐厅价钱，收茶钱及加一。
味道中等，比weekday逊色。
主要系service 差，令人食得好唔开心！
以后再来都只会系 weekday 来食粥！
张贴
