Vici Stage

营业中

休息中

餐厅环境够暗仲有live band，好岩拍拖去好有情调。⭐️水牛芝士薄饼真系典型嘅pizza，得蕃茄酱同芝士，食落有少少空虚。评语系普通一个拉丝pizza。⭐️纸包香茅焗鲈鱼佢上菜时用纸包原条包住，店员系你面前打开。一打开就闻到好香香茅味，蒸到骨肉分离好滑。⭐️香草海鲜意大利饭忌廉白汁饭加一粒好大粒嘅带子同一只青口，但个日食啲米有少少硬，可能未煮得透。⭐️串烧拼盘有齐猪牛鸡，烧得都几惹味。个沙嗲酱好香花生味，点下食下冇甘寡。⭐️Plum Meng Soup 孟婆汤用中式碗装有特式，有齐甜酸苦味，酒味好重，后劲仲有d似酒精搓手液⭐️Dancing Grape 🍇 用中式茶壶装，系巨峰提子汁、菠萝柠檬汁配以甜酒，好啱女仔饮。⭐️Yuzu Forrest虽然menu话有柚子同橙味，但饮落一d柚子味都冇，个人觉得似jolly sandy。⭐️Hakuna Matata 个杯好有特色，有非洲色彩同热带风情，个人觉得似fruit punch。总括黎讲cocktail偏甜、酒味唔重，好啱女仔饮。