影片
更多
2022-01-17
124 浏览
千両可以话系我同老公嘅周末饭堂，差唔多隔个星期六我哋就会嚟到九龙酒店分店食晏。好好彩，我同老公差唔多每次嚟都可以安排到卡位，座位好宽敞舒适，灯光又好昏暗慵懒，慢慢地悠然地叹个日本午餐，一解工作压力。我嘅首选永远都系千両便当，内有多款食品，每样细细份，份量啱啱好，可以满足贪心、样样都想食少少嘅我。便当🍱内有面豉汤、海鲜蒸水蛋、（鲣鱼汁？）硬豆腐、烧鱼、细鱼生丼、鱼生（一只大虾、两片三文鱼同半粒带子）同一个细甜品（雪糕糯米糍），加$8有杯冻/热炭烧咖啡或果茶。丰富我老公受我影响，而家都会一齐嗌便当。面豉汤：热辣辣，一饮心舒畅。里面有一粒粒细菇，好滑，加埋昆布感觉好健康，好香面豉味，又唔会太咸。海鲜蒸水蛋：水蛋好嫩滑，里面有一只虾同一粒元贝，唔知系咪用咗鸡汤定因为啲海鲜，水蛋好有鲜味，最后连啲汁都食干净。硬豆腐：之前一直系麻酱杂菜粟米沙律，今日第一次俾豆腐，我钟意豆腐多过沙律。但我比较钟意软豆腐嘅口感，不过加咗鲣鱼汁（？），硬豆腐都食得好滋味，味道好鲜好夹。烧鱼：烧得好香，鱼肉鲜嫩，加埋柠檬汁吊一吊味，正！（但唔知系咩鱼）细鱼生丼：份量啱啱好，饭淡淡嘅醋酸味，加埋蛋丝嘅甜味，好夹好开胃。鱼生
我嘅首选永远都系千両便当，内有多款食品，每样细细份，份量啱啱好，可以满足贪心、样样都想食少少嘅我。便当🍱内有面豉汤、海鲜蒸水蛋、（鲣鱼汁？）硬豆腐、烧鱼、细鱼生丼、鱼生（一只大虾、两片三文鱼同半粒带子）同一个细甜品（雪糕糯米糍），加$8有杯冻/热炭烧咖啡或果茶。丰富
千両便当
$148
7 浏览
0 赞好
0 留言
我老公受我影响，而家都会一齐嗌便当。
面豉汤：热辣辣，一饮心舒畅。里面有一粒粒细菇，好滑，加埋昆布感觉好健康，好香面豉味，又唔会太咸。
海鲜蒸水蛋：水蛋好嫩滑，里面有一只虾同一粒元贝，唔知系咪用咗鸡汤定因为啲海鲜，水蛋好有鲜味，最后连啲汁都食干净。
硬豆腐：之前一直系麻酱杂菜粟米沙律，今日第一次俾豆腐，我钟意豆腐多过沙律。但我比较钟意软豆腐嘅口感，不过加咗鲣鱼汁（？），硬豆腐都食得好滋味，味道好鲜好夹。
烧鱼：烧得好香，鱼肉鲜嫩，加埋柠檬汁吊一吊味，正！（但唔知系咩鱼）
细鱼生丼：份量啱啱好，饭淡淡嘅醋酸味，加埋蛋丝嘅甜味，好夹好开胃。鱼生有吞拿鱼、三文鱼粒同鱼籽，好新鲜！
鱼生：卖飞佛带子好厚身好鲜甜，可惜得半粒，唔够喉！鲜虾刺生都好正，大大只，啖啖肉，肉质弹牙，味好鲜甜！三文鱼都唔错。
冻炭烧咖啡
2 浏览
0 赞好
0 留言
估唔到佢哋嘅咖啡都同样出色！味道好香浓，最紧要系唔涩亦无酸味，加埋鲜奶（淡奶），口感变得更滑同creamy！
另外要大赞服务生，超专业，超有礼貌，谈吐超大方得体，简直就系高级餐厅嘅服务！
张贴
