Passione Italian Restaurant (已結業)

今日嚟到铜锣湾食个Brunch ,今日两条友想食西餐，所以行到去渣甸中心求其笃左一间就上去啦。 呢度系比较正式嘅西餐厅，原来系主打意大利菜。我叫左一个deluxe special set lunch, 5 courses set.先来一个海鲜玉米糕，口感几特别，味道都唔错好够鲜味。 下一个系汤，野菌忌廉汤，非常香浓口感柔滑。 蟹肉意大利幼蛋面配蕃茄汁。面条爽口弹牙，充满蛋味，蟹肉都拆得好细致，增添香气。 主菜系烤黑毛猪肩，肉味浓郁而且外层香脆，好食，加埋个蜜糖芥末汁，锦上添花。配菜亦同样出色，薯仔甘笋通通我都食晒。 甜品系朱古力沙乐美配云呢拿雪糕，略嫌雪得有啲硬，而且我本身唔系好钟意甜野，所以觉得麻麻地，不过入面嘅果仁系好香脆嘅。 总括来讲呢度价钱偏高，不过环境气氛恰到好处，服务水准亦高，而且食物亦都唔错，啲特别日子来食饭都系一个唔错选择。