What The Food Cafe (已結業)

真系要多谢女朋友成日帮我手揾好野食，连今次咁偏僻的地方都俾佢揾到。星期日的工厂区四周围都好静，唯独系呢度仲有唔少人气。 餐厅名玩食字用左接近粗口，摆设都有唔少二次创作的元素，环境阔落。本来想叫佢「颓饭」入面果堆野食，因为平d，但系星期日唔供应，似系俾平日返工人士点的。 最后自己拣左蒲烧鳗鱼蛋包饭，因为见多人拣。鳗鱼有两条。汁比较多同偏甜，蛋比较滑，似滑蛋饭多过蛋包饭，不过好味的。 女友要左份香煎带子黑松露炖饭，带子有三粒，都几大下，系咬落有少少韧，似意大利饭，带有好香的黑松露味。 最后叫左份「非工业用小食拼盘」，亦都系最gag果样，因为佢真系用左工具箱黎上，入面装左四款唔同的炸物：炸薯角、虾、炸鱿鱼同炸芝麻鸡翼，伴泰式辣酱。最好食就炸芝麻鸡翼，因为上到黎系最热，炸到唔太淋又唔太干。虾就唔算好大只，炒到个谷好淋可以一齐食埋，椒盐味好香。炸鱿鱼有少少失色，可能系炸得太多或者摆得耐左少少，外面果层炸皮几硬下。 整体黎讲野食水准ok，不过因为地方太远要揾到呢间野都唔易。