What The Food Cafe (已結業)

话说有时无聊我会开个 openrice map 笃吓有乜地方食嘢，早前笃到呢间，由于地点不太方便所以要揾机会先帮衬。哈哈到我生日终于大个理由拣我想食嘅餐厅，一于就嚟 what the food，由于系平日我谂应该唔驶订位，就胆粗粗放工等柴可夫车我去，去到餐厅有几张台坐咗人，又有几张订台，睇嚟就算咁隔涉都几多人嚟帮衬㖞。我哋叫咗个猪仔骨，佢有烧烤酱、蜜糖芥末同冬荫公味拣，比我就好传统会拣烧烤酱，但柴可夫超钟意芥末味，而其他地方又少见咁整，所以就拣咗蜜糖芥末啦，其实真系好香同好 juicy，但芥末我真系唔太好，所以主力系柴可夫食 🤣🤣另外叫咗个蟹膏蟹肉蟹子炖饭，一上台啲香味系咁攻出嚟，入口都好香，最钟意佢啲饭唔会半生熟咁。其实落完 order 佢哋就送上 2 碗罗宋汤，我唔食牛但佢啲汤有牛，而佢哋又无其他汤，所以比咗个沙律我，抵赞。我哋另外叫咗 2 杯饮品，原本叫个牛油果奶昔，但后来话牛油果未熟，建议我哋叫其他，就叫咗芒果同菠萝益力多沙冰，芒果香口，菠萝清香各有各好味 👍👍👍啲食物咁啱口味，下次唔驶揾藉口都可以再嚟啰 🤭🤭