Catch.

营业中

休息中

呢间澳洲菜餐厅，原本睇佢个餐厅名叫做Catch，以为佢系主打一啲海鲜嘅新鲜食物。但系原来发现佢嘅早午餐系好多人排队，所以今次只在堂食开返嘅首晚，晚餐时段试吓佢嘅晚餐。Laksa Mussel with Flatbread佢个汁声称话系喇沙底，但系食落似系咖喱底多啲，好重姜黄，并冇乜椰汁嘅香味。食青口最紧要系个汁，所以已经有少少失望。不过青口到有清洁好啲杂毛，而且大大粒，食起来都算口感好。佢个份量系好多嘅！Spicy Crab Pasta呢个就系红爆网上媒体嘅相片，大家都几乎会摆上网见到嘅。佢个特别之处就系佢个蟹壳。整碟意粉都带有一茄茄嘅蟹肉，啖啖肉，所以个汁食落特别鲜甜，仲带有几分辣劲，特别惹味。个汁都几好味不过我觉得会比较配衬一啲粗嘅意粉。个薯条就冇乜特别冇调味，而且个酱汁亦都系冇乜诚意嘅普通一个蛋黄酱。连埋饮品两个人买单都要五百几蚊，有啲唔抵。