影片
更多
2015-08-28
9557 浏览
Morton's of chicago今日系我生日，虽然我唔系steak lover，但高级餐厅嘅steak就一试无妨，所以早就想试下呢间餐厅。环境一入餐厅有bar同几张bar枱，俾大家happy hour或等位时饮两杯。行入少少就系用餐地方。老公一个月前已经book位，但都book唔到窗口位，不过唔紧要啦，餐厅有落地大玻璃，所以就算我地张枱喺餐厅中间，都睇得好清楚夜景。不过枱与枱之间几近，加上有啲食客倾得兴起大笑，所以真系几嘈。食物由于我俩都唔大食，所以谂住share。order无耐就送上大如头嘅洋葱包，热辣辣，有淡淡嘅洋葱味，甜甜地，松软好味。我地怕太饱，所以食左五分二，其余打包喇。前菜叫左jumbo lump crab cake ($160)。crab cake大约女仔手心咁大，好多蟹肉，一梳梳咁，好鲜甜，加少少柠檬汁或蛋黄酱无咁油腻更好味。另外叫左个洋葱汤 ($150) share，餐厅好细心咁分两细碗咁焗。每碗有大量洋葱，所以汤充满洋葱甜味，仲带有少少黑椒味，质地几杰，近乎洋葱汁咁。另有一小件面包浸喺汤入面，同焗芝士，芝士几有咬口，可以拉丝，我觉得唔错，老公就觉得太多，所以俾
Morton's of chicago
今日系我生日，虽然我唔系steak lover，但高级餐厅嘅steak就一试无妨，所以早就想试下呢间餐厅。
环境
一入餐厅有bar同几张bar枱，俾大家happy hour或等位时饮两杯。
行入少少就系用餐地方。老公一个月前已经book位，但都book唔到窗口位，不过唔紧要啦，餐厅有落地大玻璃，所以就算我地张枱喺餐厅中间，都睇得好清楚夜景。不过枱与枱之间几近，加上有啲食客倾得兴起大笑，所以真系几嘈。
食物
由于我俩都唔大食，所以谂住share。order无耐就送上大如头嘅洋葱包，热辣辣，有淡淡嘅洋葱味，甜甜地，松软好味。我地怕太饱，所以食左五分二，其余打包喇。
前菜叫左jumbo lump crab cake ($160)。crab cake大约女仔手心咁大，好多蟹肉，一梳梳咁，好鲜甜，加少少柠檬汁或蛋黄酱无咁油腻更好味。
另外叫左个洋葱汤 ($150) share，餐厅好细心咁分两细碗咁焗。每碗有大量洋葱，所以汤充满洋葱甜味，仲带有少少黑椒味，质地几杰，近乎洋葱汁咁。另有一小件面包浸喺汤入面，同焗芝士，芝士几有咬口，可以拉丝，我觉得唔错，老公就觉得太多，所以俾左我食埋。
之后主菜centre cut prime ribeye 16oz ($658)就嚟喇。order时请教过waiter边个部位较软淋，佢话牛柳就最淋，但ribeye就多汁，所以较受欢迎，佢就介绍我地食centre cut prime ribeye喇。由于我想食五成，而老公想要七成，waiter就话可以分成两份唔同生熟程度，真系好。ribeye真系juicy同几淋，用左少少盐、黑椒调味，好味呀。我地亦有点少少mustard，都几好。我件ribeye比较肥，有一截肥膏，因为我怕肥，所以切走左。
其实差不多食完都已经好饱喇，但因为生日，餐厅会送上插上蜡烛嘅lemon souffle，伴上云呢拿汁。souffle好香柠檬味，但食落就无咩柠檬味，甜味较高，加上云呢拿汁，几香甜。云呢拿汁好似有少少酒味。
另外见到waiter会捧住是日甜品，有creme brulee, cheese cake等等，份量都唔太细，可惜太饱，惟有下次再品尝！
服务
Waiter好细心，见我大肚，主动问我要唔要cushion。order时仲提醒我汤加左少少酒，煮后会挥发。又话好多大肚客人都要戒口，唔食牛，问我需唔需要叫其他肉类，但我贫血，反而要食多啲牛，仲破戒食左crab cake，不过我好appreciate佢咁细心。最后可以填返个人资料，会寄返$150 refreshment coupon下次用。
张贴
