越一越南牛肉粉專門店 (已結業)

几耐冇食过越南菜，今日就去食下越式午餐。呢到主要提供河粉类，有扎肉、香茅鸡翼、香茅猪扒、生牛肉等等，同埋可以选择配汤河/捞檬/白饭。 因为系午餐，所以同朋友各叫左个set，有一个主食加一个小食。叫左个香茅猪扒汤蒙粉同埋猪颈肉捞檬。香茅猪扒好足料，猪扒都好厚身。另外，香菜同配料系分上，系另一个杯仔到。入面有芽菜、辣椒仔、仲有越南既香叶，店员话类似越南式既蕃茜，又几特别。汤底清清地但够味，入面仲有洋葱。猪颈肉一样好多料，加埋酱汁捞，好开胃！ 小食叫左个虾饼同埋米纸卷。米纸卷入面系蔬菜类为主，有生菜、青瓜、红萝卜、花生碎等等。净食已经够味，但重口味既朋友可以点埋酱。虾饼好脆口，配埋酸酸甜甜既酱好夹！ 野饮叫左椰汁红豆冰同埋青柠梳打，不过不失！ 临走个阵见到店员换紧餐牌，原来2点就转下午茶餐，大部分餐同午餐一样，但多左几款包，而且价钱比午餐平$10-20 ，几抵食！