必勝客 (已結業)

今日同几个同学黎呢度食午餐，呢左个二人同一人常餐各一个。叫左两个意粉同一个pizza，饮品就焗住饮汽水。蒜蓉包同我n年前食过，而家差好多啦。唔热之余又干争争，又无乜蒜味，不如比白面包好过啦。忌廉鸡汤同以前无乜分别，味道都可以既。只不过找不到太多既"鸡"。芝士白汁火腿阔条面本来就系配意粉既，但大家唔知唔知都食左佢。白汁系无味既，而料真系普通得很。吞拿鱼白汁意粉白汁都系无味既。吞拿鱼都无乜野既。但个卖相唔多好呀。夏威夷风味真系好有风味，牛肉唔多觉有。而芝士焗完之后系无味既，怪唔得我同学要狂加芝士粉啦。真系够哂风味。饮品只系健怡可乐一杯，唔知点解除左可乐之外，其他饮品都要加钱。成本上升都唔使咁呀，好cheap。食物上好唔得，而服务都唔系太好。我地想加水又无人理我地。而之前有个意粉盖，放左果度都无人发现。结果结帐之后都无人察觉到，一定无下次呀。