影片
更多
2019-01-18
664 浏览
今日同朋友喺铜锣湾食完野想chill下，就去咗附近嘅摩理臣山道睇吓有咩bar。其中一间吧嘅招牌非常闪耀，叫WTF bar，我地见个名几特别，就胆粗粗入咗去。吧枱嘅柜充满各式各样嘅酒，非常抢眼。整体餐厅唔算大，但环境好relaxing。另外天花上既吊灯亦系WTF bar一大特色。坐低冇耐就会送上nuts。坐低之后就会慢慢明白点解餐厅叫WTF，因为餐厅惊喜不断。首先系cocktail嘅种类，餐牌上起码有30种唔同嘅cocktail，职员见我哋非常迷惘，就问我地想饮乜嘢类型嘅cocktail，我地谂住一开始饮啲甜啲嘅。职员立既介绍咗我哋两种cocktail。第一杯叫London &Tokyo，呢杯cocktail杯外型似椰子，非常特别。味道方面，较重柠檬味，非常清新，易入口。另外杯上面会摆满水果或干果，充满满载而归嘅感觉。另外一杯职员推介嘅cocktail 叫My Tai Tai，上嘅时候真系讲咗句WTF，因为个杯非常吸引，系一个兽人坐喺俘虏骨头上面，杯上面亦摆满干果同水果，味道亦系甜，易入口。咁啱今日系星期四，有live music，驻场歌手系菲律宾人，唱得非常好听，声音相当有磁性，唱嘅歌
吧枱嘅柜充满各式各样嘅酒，非常抢眼。整体餐厅唔算大，但环境好relaxing。
另外天花上既吊灯亦系WTF bar一大特色。
坐低冇耐就会送上nuts。
坐低之后就会慢慢明白点解餐厅叫WTF，因为餐厅惊喜不断。
首先系cocktail嘅种类，餐牌上起码有30种唔同嘅cocktail，职员见我哋非常迷惘，就问我地想饮乜嘢类型嘅cocktail，我地谂住一开始饮啲甜啲嘅。职员立既介绍咗我哋两种cocktail。第一杯叫London &Tokyo，呢杯cocktail杯外型似椰子，非常特别。味道方面，较重柠檬味，非常清新，易入口。另外杯上面会摆满水果或干果，充满满载而归嘅感觉。
另外一杯职员推介嘅cocktail 叫My Tai Tai，上嘅时候真系讲咗句WTF，因为个杯非常吸引，系一个兽人坐喺俘虏骨头上面，杯上面亦摆满干果同水果，味道亦系甜，易入口。
咁啱今日系星期四，有live music，驻场歌手系菲律宾人，唱得非常好听，声音相当有磁性，唱嘅歌亦系我嘅favourite，另外亦有一首medley song，听得人如痴如醉，包括我同朋友。
亦因为咁样，所以我哋就嚟second round，今次我哋想要烈啲既cocktail。经职员推介后我哋叫咗两杯。第一杯系Rusty Nail，有啲似Whisky on rock，但层次更加丰富，而且饮落非常顺滑。
我朋友第二杯cocktail对比我个杯rusty nail比较fruity小小，远处已经闻到一阵肉桂香味，非常特别。
职员好识带动气氛，会同驻场歌手交流。另外亦同我地倾左两三句，感觉每一位职员都好energetic同好有passion。
总括而言，WTF bar系一间充满活力，而且气氛一流嘅高质bar，期待下次嚟嘅时候，尝到更多令我大叫WTF既cocktail。
张贴
