農米莊 (豉油街)

营业中

休息中

去食谭仔嘅时候行过几次标榜嘅系可以连汤都饮埋嘅米线一直都想试下不过次次都难敌谭仔嘅诱惑今次十点出到旺角饥肠辘辘好多餐厅都已经闩咗行过嚟见到农米家凌晨两三点先闩即刻入去坐底嗌嘢$30左右有一𩠌嘅清鸡汤米线加𩠌要$6/$8/$12至于几款夹好配料嘅set就$4x至$5x不等怀旧鸡汤米线呢款系用药材汤底。喺街边米线铺竟然食到大长今先会煮嘅药膳，仲要价钱唔系太贵，实在值得一试。汤底有虫草花、杞子、红枣等等（仲有莞茜喺度大煞风景），𩠌就有鸡件。鸡件几出色，虽然未及农村走地鸡，不过肉质水平都有返咁上下，仲要冇肥肉又唔多骨，啖啖都食得落肚。三两下手势食完成兜米线，汤亦都完美光盘冇难度。难得喺街食嘢唔会觉得食咗堆垃圾落肚，仲feeling养生，宵夜必试！